एटीएफ केर दाम स्थिर रखबाक लेल घरेलू एयरलाइंसकेँ ₹10,000 करोड़क सहायताक मंजूरी
नई दिल्ली । समदिया
प्रधानमंत्री नरेंद्र मोदीक अध्यक्षतामे केंद्रीय मंत्रिमंडलक बैसार केर दौरान बुधदिन एकटा महत्वपूर्ण फैसला लेल गेल। कैबिनेट पश्चिम एशियामे संकटक परिणामस्वरूप बढ़ैत आ अस्थिर ईंधन केर दामक प्रभावकेँ कम करय लेल तेल विपणन कंपनी (ओएमसी) केँ एकमुश्त बजटीय सहायता ₹10,000 करोड़ केर मंजूरी देलक अछि। एकटा आधिकारिक बयानक अनुसार सरकार दिससँ ई बजटीय सहायता पेट्रोलियम आ प्राकृतिक गैस मंत्रालय केर डिमांड फॉर ग्रांटकेँ माध्यमसँ ओएमसी केर ब्याज-मुक्त अग्रिम राशिक रूपमे देल जायत। एकर उद्देश्य एयरलाइंसकेँ एविएशन टरबाइन फ्यूल (एटीएफ)केँ उच्च आ अस्थिर दामक कारणसँ होय वला नुकसानसँ ओएमसीकेँ बचेनाइ अछि। एटीएफ मूल्य स्थिरीकरण समर्थन 36 महीनाकें अवधिक लेल लागू रहतय। मुदा, एकर वार्षिक समीक्षा होयत वा जा धरि पूरा अग्रिम राशि पूरा तरहसँ वसूली आ समायोजित नहि भ जायत, जे पहिने होयत, ता धरि जारी रहत।
सरकारी बयानक अनुसार ई सहायता ओएमसीकेँ देल जा रहल अछि ताकि ईंधन केर दाममे मौजूदा असाधारण उतार-चढ़ावक बीच एयरलाइंसकेँ अपेक्षाकृत स्थिर दाम पर एटीएफकेँ आपूर्ति कयल जा सकय।
कैबिनेटक एगो प्रेस नोटमे कहल गेल अछि जे ई ब्याज मुक्त सहायता, जकर रकम ₹10,000 करोड़ अछि, ओएमसीकेँ देल जायत। जँग अंतरराष्ट्रीय बाजारमे एटीएफकें आयात समता मूल्य (आईपीपी) पूर्व निर्धारित मानकसँ बेसि भ जायत अछि, तँ एकर परिणामस्वरूप भेल नुकसानकें भरपाई एही कोषसँ कयल जायत।
सरकार स्पष्ट कयलक कि जखनि अंतरराष्ट्रीय एटीएफ केर दाम घटत तँ अंतर राशिकेँ ओएमसीसँ वसूली कय वापस भारतीय समेकित कोषमे जमा कय देल जायत।
ई व्यवस्था ता धरि लागू रहत जा धरि पूरा सहायता राशि पूर्ण रूपसँ वसूली नहि भ जायत। ई योजना सभ इच्छुक अनुसूचित भारतीय एयरलाइंस लेल उपलब्ध होयत आ घरेलू आ अंतर्राष्ट्रीय दुनू तरहक परिचालन पर लागू होयत। नव ढाँचाक तहत एयरलाइंसकेँ ईंधनक लागतमे बेसी स्थिरता आ पूर्वानुमानक फायदा भेटत, जाहिसँ ओकरा ईंधन केर दाममे अचानक बढ़ोत्तरीसँ जुड़ल जोखिमकेँ काफी हद धरि कम कयल जा सकय।
एहि योजनाकेँ लागू करबा लेल सहभागी एयरलाइंस आ तेल विपणन कंपनी (ओएमसी) केर बीच समझौता ज्ञापन (एमओयू) निष्पादित कयल जाएत।
नागरिक उड्डयन मंत्रालय आ पेट्रोलियम आ प्राकृतिक गैस मंत्रालय सेहो एहि समझौता पर हस्ताक्षर करत।
एही विशेष व्यवस्थाक तहत भाग लेबय वला एयरलाइंसकेँ अधिकतम तीन सालक अवधि लेल विशेष रूपसँ ओएमसीसँ एविएशन टरबाइन ईंधन (एटीएफ) खरीदबाक होयत। मुदा, इ व्यवस्थाकें वार्षिक समीक्षा कयल जायत वा पूरा सहायताकें राशि पूरा तरहसँ वसूली भ गेलाक बाद योजनाकें समापन भ जायत।
जनतब दी जे मार्च 2023 मे एटीएफ केर कीमत लगभग ₹60.50 प्रति लीटर छल, जे बादमे मई 2026 धरि आसमान छूबी केँ ₹142 प्रति लीटर भ गेल। ई महज दू महीनाक अंतरालक भीतर दाममे लगभग 2.5 गुना बढ़ोत्तरीक संकेत दैत अछि, जाहिसँ एयरलाइंसक परिचालन लागत पर अपार दबाव पड़ैत अछि।
