पंजाबमे बुधदिन आम आदमी पार्टीकेँ जबरदस्त झटका लागल। पार्टीक एकमात्र सांसद सुशील कुमार रिंकू भाजपामे शामिल भऽ गेल छथि। रिंकूकेँ जालंधरसँ पार्टीक टिकट देल गेल अछि। जालंधर पश्चिमसँ आम आदमी पार्टीक विधायक शीतल अंगुराल सेहो भाजपामे शामिल भऽ गेलीह। एहिसँ पहिने शीतल अंगुराल पार्टीसँ इस्तीफा दऽ देलनि।
दुनू नेताक भाजपामे जयबाक अफवाह बहुत दिनसँ चलि रहल छल। मुदा तत्कालीन सांसद रिंकु स्पष्ट कयने छलाह जे आम आदमी पार्टीक संग हुनकर सदैव निष्ठा रहत आ ओ कतहु नहिं जा रहल छथि। तहिना अंगुराल सोशल मीडिया पर लाइव भऽ कहलनि जे ई सभ बात निराधार अछि।
रिंकू पछिला साल जालंधर उपचुनाव जीति सांसद बनलाह। लोकसभामे ओ आम आदमी पार्टीक एकमात्र सांसद छलथि। रिंकू पहिने कांग्रेसमे छलाह। २७ अप्रैल, २०२३ केँ ओ आम आदमी पार्टीमे शामिल भऽ गेल छलाह आ एक दिन बाद हुनका जालंधर संसदीय क्षेत्रसँ आपक उम्मीदवार घोषित कयल गेल छल।
सूत्रक अनुसार, भाजपामे शामिल भेलाक बाद रिंकूकेँ आब भाजपाक टिकट पर लोकसभा चुनाव लड़बाक संभावना अछि।
जालंधर भाजपा आम आदमी पार्टी (आप) केर नेता सभक खिलाफ राजनीतिक प्रतिद्वंद्विता केर कारण सांसद सुशील रिंकू आ विधायक शीतल अंगुरालक घरक बाहर धरना देबय केर आरोपमे चुनाव आयोगमे शिकायत दर्ज कयलक अछि।
