अमेरिकाक राष्ट्रपति डोनाल्ड ट्रंप एक बेर फेर भारत-पाकिस्तान युद्धविराम लाबय केर दावा कयला पर कांग्रेस नेता राहुल गांधी पीएम मोदी पर हमला कयलनि। कांग्रेस नेता राहुल गांधी कहलनि जे, ट्रंप 25म बेर ई बयान देलनि अछि। एहि पर पीएम मोदी चुप छथि। एहिसँ ई संकेत बुझाइत अछि जे ‘दालिमे किछु कारी अछि।’
लोकसभामे विपक्षी नेता पूछलनि जे युद्धविराम लाबय वला ट्रंप कें छथि ? प्रधानमंत्री मोदी एहि पर सेहो कोनो जवाब नहि देलथि अछि। प्रधानमंत्री कोना बयान दऽ सकैत छथि। ओ की कहताह, ट्रम्प युद्धविरामक मध्यस्ता कयने छलाह, ओ एहेन नहि कहि सकैत छथि। मुदा ई सत्य अछि। ट्रम्प युद्धविराम अनलनि, से पूरा दुनिया जनैत अछि। यैह यथार्थ अछि।
संसद भवन परिसरमे राहुल गांधी कहलनि जे इ सिर्फ युद्धविरामक मामिला नहि अछि। कतेको पैघ समस्या अछि जकर चर्चा हम सब करय चाहैत छी। रक्षा, रक्षा उद्योग, ऑपरेशन सिंदूरसँ जुड़ल समस्या अछि। स्थिति नीक नहि अछि आ पूरा दुनिया एकरा जनैत अछि। जे अपनाकेँ देशभक्त कहैत अछि ओ भागि गेल अछि। प्रधानमंत्री एकोटा बयान नहि दऽ सकैत छथि।
ओ कहलनि जे ट्रंप 25 बेर कहने छथि जे हम युद्धविराम अनलहुं। ट्रंप के छथि युद्धविराम आनयवला ? ई हुनका लोकनिक काज नहि छनि। मुदा प्रधानमंत्री एक बेर कोनो जवाब नहि देलथि। ई सत्य अछि, ओ एकरा नुका नहि सकैत अछि । प्रधानमंत्री मोदी विदेशसॅं वापसीक बाद सरकार ऑपरेशन सिंदूर पर चर्चा करबा पर सहमत भऽ गेल अछि।
राहुल गांधी कहलनि जे एक दिसि सरकार कहैत अछि जे ऑपरेशन सिंदूर चलि रहल अछि तॅं दोसर दिसि कहल जाइत अछि जे जीत हासिल भऽ गेल अछि। या तॅं जीत हासिल भऽ गेल अछि वा ऑपरेशन सिंदूर जारी अछि। ट्रंप कहि रहल छथि जे हम ऑपरेशन सिंदूर रोकलहुं, ओ 25 बेर इ बात कहलनि अछि।
