आदिवासीक नायक विष्णु देव साय बनलाह छत्तीसगढ़क नव मुख्यमंत्री
रायपुर
*
कतेको घमर्थनक बाद रवि कऽ आखिरकार छत्तीसगढ़क मुख्यमंत्रीक रुपमे आदिवासी नेता विष्णु देव साय केर नामक घोषणा भेल। साय छत्तीसगढ़मे भाजपाक प्रदेश अध्यक्ष सेहो छथि।
विष्णु देव सायक जन्म २१ फरवरी १९६४ केँ जशपुर जिलाक बगिया गाममे एकटा किसान परिवारमे भेल छल। ओ लोयोला उच्चतर माध्यमिक विद्यालय, कुनकुरीसँ १०म कक्षा धरि अध्ययन कयलनि। सायक राजनीतिक जीवनक प्रारम्भ सरपंचक रूपमे भेल छल। जतय ओ बगिया गामक निर्विरोध सरपंच चुनल गेलाह।
विष्णु देव साय १९९०मे अपन पहिल विधानसभा चुनाव लड़लाह आ जीतलाह। जकर बाद ओ १९९८ धरि विधायक बनल रहलाह। १९९९मे ओ अपन पहिल लोकसभा चुनाव लड़लाह आ जीतलाह।
साय २००४ मे पुनः लोकसभाक लेल चुनल गेलाह। एकर बाद ओ २००९ आ २०१४ मे लोकसभा चुनाव लड़लाह आ संसद पहुँचलाह। ओतहि मोदी सरकारक पहिल कार्यकालमे हुनका इस्पात आ खान मंत्रालयक जिम्मेदारी देल गेल छल। ओ कांग्रेस सरकारमे विभिन्न समितिसभक सदस्य सेहो रहल छथि।
विष्णुदेव सायकेँ वर्ष २००६ मे छत्तीसगढ़ भाजपाक प्रदेश अध्यक्ष बनाओल गेल छल। ओतहि २०११ मे ओ दोबारा भाजपा प्रदेश अध्यक्ष बनाओल गेलाह। ०८ जुलाई २०२३ कऽ हुनका भाजपाक राष्ट्रीय कार्यसमितिक सदस्य बनाओल गेल।
विष्णु देव साय छत्तीसगढ़क एकटा पैघ आदिवासी नेता सेहो मानल जाइत छथि, कारण आदिवासी समुदायमे हुनक निक पैठ अछि।
