बिहारवासीकेँ लद्दाख घुमाय लेल सम्राट सरकार देत ₹20000

पटना। समदिया

बिहार सरकार कैबिनेटक बैसारमे ‘सिंधु दर्शन तीर्थ यात्रा वित्तीय सहायता अनुदान योजना-2026 केँ मंजूरी द देलक अछि। एही योजनाक तहत बिहारक स्थानीय निवासी लद्दाख घूमय जा सकैत अछि। सरकार हुनका 20 हजार रुपए धरि केर आर्थिक मदद करत।

बिहार सरकार राज्यक लोककेँ लद्दाख स्थित सिंधु नदी केर दर्शन करय लेल पैघ पहल कएलक अछि। मुख्यमंत्री सम्राट चौधरीक अध्यक्षतामे बुधदिन भेल बिहार कैबिनेटक बैसारमे ‘सिंधु दर्शन तीर्थ यात्रा वित्तीय सहायता अनुदान योजना-2026’ केँ मंजूरी द देलक। एही योजनाक तहत बिहारक लोककेँ लद्दाख यात्राक लेल 20 हजार रुपया धरि केर आर्थिक सहायता प्रदान कयल जायत।

कैबिनेट केर फैसला केर अनुसार, तीर्थयात्रीकेँ यात्रा पर भेल खर्चक 50 प्रतिशत वा अधिकतम 20 हजार रुपया, जे कम होय, अनुदानक रूपमे देल जायत। बिहार पर्यटन विभागक दिससँ तैयार कयल गेल एही प्रस्तावकेँ मंत्रिमंडल स्वीकृति प्रदान कयलनि। हालांकि, योजनाक लाभ केवल बिहारक स्थायी निवासीकेँ भेटत। एही लेल तीर्थयात्रीक आयु कमसँ कम 18 वर्ष होयब अनिवार्य अछि।

सरकार तय कयलक अछि जे हर साल अधिकतम 100 श्रद्धालुकेँ एही योजनाक तहत अनुदान देलक। योजनासँ जुड़ल विस्तृत गाइडलाइन आ आवेदन प्रक्रिया बादमे पर्यटन विभागक दिससँ जारी कयल जायत। सरकारक अनुसार एही पहलक उद्देश्य लोककेँ लद्दाख स्थित सिंधु नदीक दर्शन कराबय केर संग-संग देशक सांस्कृतिक आ राष्ट्रीय एकतासँ जोड़ब अछि। आर्थिक कारणसँ यात्रा नहि कय पाबय वला लोककेँ एही योजनासँ राहत भेटत।

आब बिहारक रहय वला कोनो भी व्यक्ति एही योजनाक तहत लद्दाख जा कय सिंधु नदीक दर्शन कय पाओत। कैबिनेट बैसारमे राज्यमे पर्यटनकेँ बढ़ावा देबय लेल हेली टूरिज्म आ एयर टूरिज्म योजनाकेँ सेहो मंजूरी देलक। एही केर तहत पटनासँ राजगीर, कैमूर आ वाल्मीकिनगर लेल हेलीकॉप्टर सेवा शुरू कयल जायत। यात्राक लेल प्रति यात्री किराया पटना-राजगीर मार्ग पर 4,000 रुपया, पटना-वाल्मीकिनगर मार्ग पर 5000 रुपया आ पटना-कैमूर मार्ग पर 6000 रुपया निर्धारित कयल गेल अछि। एही योजनाकेँ ल कय बिहार सरकारक देशभरिमे चर्चा भ रहल अछि।