सहरसाक बख्तियारपुर थाना क्षेत्रक चकभरो पंचायतक मुसहरी टोलाक वार्ड नंबर सातमे एकटा युवकक शव घरक छतसँ लटकल भेटल। एहि घटनाक सूचना शुक्रदिन देर राति देल गेल। मृतक युवक थाना क्षेत्रक चकभरो पंचायतक वार्ड नम्बर ७ निवासी २४ वर्षीय सूरज सदा पुत्र चलितर सदा छल। एहि घटनाक संबंधमे कहल जाइत अछि जे मृतक सूरज सदा आ हुनक पत्नी अनिता देवीक बीच प्रति दिन विवाद होईत छल। काल्हि राति पति-पत्नीक बीच विवाद भेल। शनिदिन भोरमे सूरजक शव लटकल भेटल।
प्राप्त जानकारीक अनुसार मृतक आन्ध्र प्रदेशमे रहैत छल आ मजदूरक काज करैत छल। ओ पाँच दिन पहिने अपन घर आयल छल।. घटनाक सूचना भेटलापर बख्तियारपुर थानाक अपर थानाध्यक्ष इंदल गुप्ता, एसआई सुशील कुमार आ अन्य पुलिस बल मामिलाक जाँच शुरू कऽ देलनि अछि। पुलिस मृतकक शव लऽ कऽ पोस्टमार्टम लेल सदर अस्पताल सहरसा पठा देलक अछि। भेटल जानकारीक अनुसार मृतक आन्ध्र प्रदेशमे रहैत छल आ मजदूरक काज करैत छल आ अपन परिवारक लालन पालन करैत छल। ओ पाँच दिन पहिने अपन घर आयल छल आ रविदिन अपन काज पर घुरय बला छल जखन ई घटना भेल।
