तेजस्वी यादवक डबल इंजन सरकार पर भयंकर प्रहार, गिनौलनि मात्र ४ दिनक भीतरक ४१ अपराध

पटना

लालू प्रसाद यादवक छोट बेटा, बिहारक पूर्व उपमुख्यमंत्री आ बिहार विधानसभामे प्रतिपक्षक नेता तेजस्वी प्रसाद यादव बिहारमे अपराधक आँकड़ा जारी कयलनि आ दूटा शीर्ष नेताकेँ किछु विशेषणसँ सम्मानित कयलनि।
पूर्व उपमुख्यमंत्री आ राज्य विधानसभामे वर्तमान विपक्ष नेता तेजस्वी यादव प्रधानमंत्री नरेन्द्र मोदी आ बिहारक मुख्यमंत्री नीतीश कुमारकेँ ‘अवतार’ बतौलनि अछि। राष्ट्रीय जनता दल (राजद) प्रमुख लालू प्रसाद यादवक छोट बेटा तेजस्वी यादव बिहारमे ढ़हैत पुलक बाद एक बेर फेर अपराध केर लऽ कऽ एहि दूनू शीर्ष नेताकेँ घेरैत एकटा सूची जारी कयलनि अछि। एहि सूचीक शीर्षक तेजस्वी यादव देलनि अछि – “पछिला ३-४ दिनमे बिहारक जनताक लेल अवतारी प्रधानमंत्री आ कुर्सीधारी मुख्यमंत्रीक शुभ उपलब्धि, मंगलकारी, विघ्नहारी, चमत्कारी, उपकारी आ गुणकारी उपलब्धि।

चारि दिनमे ४१ अपराधक सूची

तेजस्वी यादव चारि दिनक भीतर ४१ अपराधक सूची जारी कयलनि। एहिमे चोरी, डकैती, बलात्कार, हत्यासँ लऽ कऽ लाश भेटय धरिक घटनाक उल्लेख अछि।

01. बेगूसरायमे महिलाकेँ गोली मारकए हत्या
02. बगाहामे महिलाकेँ गला दबाकेँ हत्या।
03. समस्तीपुरमे महिला आ २ गोटेकेँ गोली मारिकए हत्या
04. गयामे दिनदेखाड़े युवकक गोली मारि हत्या
05. मधुबनीमे अनाज व्यापारीकेँ गोली मारिकए हत्या
06. मधेपुरामे पोस्टमास्टरकेँ गोली मारकए हत्या
07. बख्तियारपुरमे युवककेँ मुँहमे गोली मारकए हत्या
08. पटनाक बाढ़िमे सोनाक व्यापारीक गोली मारि हत्या
09. युवकक शव मोकामा, पटनामे भेटल।
10. पटनाक दानापुरमे 3 सालक लड़कीक गोली मारि हत्या
11. पटनाक मसौढ़ीमे महिला संग बलात्कार आ गोली मारकए हत्या
12. पटनाक धनरुआमे अधेड़ आयु वर्गक आदमीकेँ पीटि-पीटि कए हत्या।
13. नवादामे महिलाकेँ गोली मारकए हत्या पतिक हत्या पहिनेसँ भए चुकल अछि।
14. मुंगेर जेलमे झगड़ाक दौरान कैदीक मृत्यु
15. मोतिहारीमे नाबालिगक भयानक क्रूर हत्या! उपद्रवी लोकनि पहिने कतेको दिन धरि अपहरण आ सामूहिक बलात्कार कयलक, फेर हत्या कऽ देलक।
16. पटनामे अपराधी द्वारा महिलाक हत्या।
17. नवादा मे तीन सालक लड़कीक संग बेरहमीसँ बलात्कार
18. पटनाक दीघामे दिनदेखारे दूटा भायक गोली मारि हत्या
19. मधुबनीमे दोहरा हत्या। अपराधी माय आ बेटाक हत्या कयलक।
20. पटना घरक भीतर बलात्कारक कोशिशमे महिलाकेँ गोली मारिकए हत्या कए देल गेल।
21. सासाराममे अपराधी द्वारा आदमीकेँ पीट-पीट कए हत्या कए देल गेल।
22. बेतियामे मासूम बच्चाकेँ हत्या।
23. मुजफ्फरपुरमे महिलाकेँ बेरहमीसँ हत्या। डकैतीक विरोध करय पर अपराधी सभ २० लाख लूटि लेलक।
24. मधुबनीमे सरकारी अपराधी सभ एकटा युवककेँ गोली मारि हत्या कए देलक
25. सुपौलमे छात्रक मृत्यु।
26. समस्तीपुरमे एकटा व्यक्तिकेँ हत्या कए देल गेल।
27. भाजपा नेताक संदिग्ध हत्या।
28. सिवानमे दोहरा हत्या। स्त्री आ बेटाकेँ चाकू मारकए हत्या कए देल गेल!
29. बेगूसरायमे सरकारी शरारती तत्व एकटा युवककेँ गोली मारि हत्या कए देलक।
30. नवादामे 5 सालक लड़कीक संग दुष्कर्म
31. मोतिहारीमे देसी कट्टा देखाओल गेल आ एकटा फाइनेंसर लूटल गेल।
32. पटनामे नकाबपोश बदमाश जीविका फाइनेंस बैंकक एकटा कर्मचारीकेँ बंदूकक नोकपर लूटि लेलक।
33. पटनामे जेडीयू नेताक घरमे भयानक डकैती, शरारती तत्व लाखोक गहनाक संग चाउर आ तेल से हो लऽ गेल!
34. गयामे 10 लाख टाकासँ बेसी चोरी भेल।
35. बैंकमे दिनदहाड़े 50 लाख रुपया लूटल गेल
36. सहरसामे प्रधानाध्यापक घर पर चोरी, चोर 40 लाख टाकासँ बेसीक गहना लऽ कऽ भागि गेल
37. समस्तीपुरमे शराब माफिया एके परिवारक चारि गोटेकेँ पीट-पीट कए मारि देलक।
38. गोपालगंजमे शरारती तत्व 20 लाख रुपयाक जबरन वसूलीक मांग कयलक। मृत्युक धमकी
39. पटनाक फुलवारीशरीफमे दिनदेखारे 10 लाख रुपया लूटल गेल।
40. हाजीपुरमे चोर एकटा महिलाक संग बलात्कार कयलक।
41. मधेपुरामे महिला संग बलात्कार।