बिहार सरकारक मंत्री आ कद्दावर नेता रत्नेश सादा आ जदयू केर डीसी चिकित्सा प्रकोष्ठक प्रदेश उपाध्यक्ष डॉ. रमण झा राज्यसभा सदस्य संजय झाकेँ जदयू केर कार्यकारी अध्यक्ष बनला पर खुशी जतौलनि अछि। मंत्री सादा कहलनि जे संजय झा केँ जदयू केर कार्यकारी अध्यक्ष बनाओल गेल, जाहिसँ संगठन केर मजबूती प्रदान होयत। ओ कहलनि जे एकटा निष्ठावान कार्यकर्ताक रूपमे हुनका पार्टीक तरफसँ जे किछु जिम्मेदारी देल गेल, ओकरा ईमानदारीसँ निर्वहन कयलनि। एहि अवसर पर प्रदेश उपाध्यक्ष झा कहलनि जे ओ सदिखन अभिभावकक रुपे सदैव प्रेम आ स्नेह दैत छथि। राज्यसभा सदस्य संजय झाकेँ जदयू केर राष्ट्रीय कार्यकारी अध्यक्ष चुनल गेला पर पूरा जदयू परिवारक तरफसँ बिहारक कुशल आ वरिष्ठ नेता नीतीश कुमारकेँ दिलसँ आभार व्यक्त कयल गेल। संगहि कहल गेल जे हमरा सबकेँ आशा तऽ अछिए संगहि पूर्ण विश्वास जे अहाँक उपस्थितिमे जदयू मजबूत होयत आ बिहार विकासक नव कथा लिखत। एहिसँ जनता दल यूनाइटेड प्रदेश उपाध्यक्ष झा कहलनि जे जाहि तरहेँ संजय झा बाढ़ि रोकथाम केर संबंधमे नीक काज कयने छथि। ओतहि मंत्रीक रूपमे अपन कार्यकालमे जल संसाधन विभाग आ एकर अलावा सिमरिया घाटक सौंदर्यीकरण, दरभंगा एयरपोर्ट आ एम्स अस्पतालक निर्माण काजसँ हुनका विकास काजक लेल प्रसिद्धि आ समर्पणक कारण, हुनका कार्यकारी निदेशकक पद भेटल अछि। एहि अवसर पर जिला जदयू केर जिला अध्यक्ष चंद्रदेव मुखिया आ अन्य अधिकारी एवं कार्यकर्ता लोकनि खुशी व्यक्त करैत हुनका बधाई देलनि।
