सरकार होइछ बहुत निकम्‍मा, चलैत वाहनकेँ पंचर करयमे माहिर : नितिन गडकरी

नागपुर समदिया
*

काल्हि केंद्रीय मंत्री नितिन गडकरी कहलनि, 4 सालक अनुभवक बाद हम बुझि गेलौं जे सरकार बहुत निकम्‍मा होइत अछि। निगम पर भरोसा कय किछु नहि भऽ सकैत अछि। चलैत गाडीकेँ पंचर करय केर एक्‍सपर्टीज्‍म हुनका लग होइत अछि। ई सबटा ओ नागपुरमे स्टेडियम बनेबाक इच्छाक संबंधमे देखल अनुभवक आधार पर कहलाह।

अपन मुखरताक लेल प्रसिद्ध केंद्रीय मंत्री नितिन गडकरी सेहो शनिदिन नागपुरमे एकटा कार्यक्रममे फ्रीबी यानी ‘फ्री स्कीम’ पर हमला कयलनि। ओ कहलनि, सबकेँ किछु नहि किछु मुफ्तमे चाही। हम मुफ्तमे किछु नहि दैत छी।’

असलमे केंद्रीय मंत्री नागपुरमे स्टेडियम बनाबय चाहैत छथि, मुदा सरकारक सुस्तीक कारण ओ अपन निराशा आ आक्रोश व्यक्त कयलनि। गडकरी कहलनि, हम नागपुरमे खेलक लेल 300 स्टेडियम बनाबय चाहैत छी, मुदा अपन चारि सालक करियरमे हमरा ई अहसास भऽ गेल अछि जे सरकार बेकार अछि।
एनआईटी, निगम आदि पर भरोसा कए कोनो काज नहि भऽ सकैत अछि, ओ सब चलैत वाहनकेँ पंचर करबामे एक्‍सपर्टीज्‍म छथि।’

नितिन गडकरी एकटा घटनाक किस्‍सा सुनेलनि। ओ कहलनि, दुबईसँ एकटा व्यक्ति हमरा लग आबि कहलक जे दुबईमे स्पोर्ट्स स्टेडियम चलाबैत छी। हम पुछलियनि जे कोना ? ओ कहलनि, हम 15 साल धरि टेंडर देब। हम सब लाइट, पानि, कपड़ा बदलबाक व्यवस्था करब आ रखरखाव करब। आओर खेलय आबय बला बच्चासँ 500 वा 1000 रुपया फीसक रूपमे लेब।

गडकरी आगू कहलनि, ककरो मुफ्तमे किछु नहि देबाक चाही। हम राजनीतिमे छी। एतय सब किछु मुफ्त अछि। एहेन सोच अछि जे हमरा सब किछु मुफ्तमे चाही, हम मुफ्तमे किछु नहि दैत छी।

हमरा सबकेँ एहेन व्यवस्था करबाक चाही जे 75-80 सालक उम्र धरि नीक जीवन जी सकब। जखनि नीक दिन भेटैत अछि तखनि एहि पर सोचबाक चाही। जखनि नीक दिन बीत रहल अछि तँ बहुत लोक खुलि कय प्रशंसा करैत छथि कियाक तँ तखन क्रेज आ ग्लैमर होइत अछि, ताहि लेल जखनि हमर समय समाप्त भऽ जाइत अछि तँ कियो एहि पर नहि सोचैत अछि।