कांग्रेस नेता राहुल गाँधी अपन ‘भारत जोड़ो न्याय यात्रा’क क्रममे आइ-काल्हि बिहारक मिथिला क्षेत्रमे छथि। मंगल दिन ओ किसान सभसँ हुनकर समस्या पर बात केलखिन। एहि दौरान राहुल गांधी माथ पर गमछा पहिरने देखल गेलाह। ओ सड़कक कातमे एकटा ढ़ाबा पर रुकलाह आ किछु लोकक सङ्ग चाहक चुस्की सेहो लेलैथ।
कांग्रेस नेता राहुल गाँधी मिथिला क्षेत्रक बिहारक पूर्णियाक सिकंदरपुर पंचायतक शीशाबाड़ीमे किसानसभक सङ्ग चौपाल कयलनि। एहि अवसर पर किसान लोकनि अपन समस्या प्रस्तुत कयलनि। किसानक भूमि अधिग्रहणक मुद्दा पर राहुल गांधी कहलनि जे ओ लोकसभामे ई मुद्दा उठओताह आ जखन हुनक सरकार बनत तखन किसानक हितमे काज होयत।
किसानक संग बातचीतक दौरान राहुल गांधी स्पष्ट कयलनि कि ओ एतय मात्र गप्प नहिं दए रहल छथि। हम किसानकेँ ७२,००० करोड़क कर्ज माफ केलहुं। हम भूमि अधिग्रहण विधेयक अनने छलहुं। जखन हम छत्तीसगढ़ आ राजस्थानमे सत्तामे छलहुं तखन उपजक सही दाम देलहुँ। ओ कहलनि जे किसानक हितक लेल बहुत काज कयल गेल अछि। आबय वाला समयमे सेहो हम किसानक हितमे काज करब।
एहि अवसर पर सुरक्षाक कड़ा इंतजाम कयल गेल छल। संगहि राहुल गाँधी सेहो गाँधीजीक पुण्यतिथि पर किसानक संग मौन रखलनि। राहुल गाँधीसँ किसान लोकनि कहलनि जे ओ सभ ऋणक बोझमे डूबल छथि, मुदा सरकार हुनकर सभक सुधि नहिं लऽ रहल अछि।
