दरभंगा जिलान्तर्गत बेनीपुर प्रखंड स्थित सझुआर गामक रामपट्टी बाधमे हरिद्वार मातृ सदन, कनखल, हरिद्वार केर परमाध्यक्ष स्वामी शिवानंद सरस्वती द्वारा दिनांक 22 अक्टूबर, 2024 कें मातृ सदनक प्रस्तावित शाखा आश्रमक स्थापना हेतु भूमि पूजन सम्पन्न भेल। एहि अवसर पर विपुल संख्यामे क्षेत्रक गणमान्य महानुभाव उपस्थित भेलाह। आश्रमक स्थापनासँ बेनीपुर अनुमंडल क्षेत्रमे हर्षक लहर व्याप्त अछि।
जनतब दी जे सझुआर गाँव परमपूज्य गुरूदेवजीक जन्म भूमि थिकैन्ह। एहि अवसर पर स्थानीय विधायक अजय कुमार चौधरी, समाजसेवी अंजनी कुमार झा बबलू, प्रखंड प्रमुख चौधरी मुकुंद कुमार राय, पंचायतक मुखिया चंदन कुमार झा ‘रोहित’, सझुआर पंचायतक पूर्व मुखिया कमल नारायण झा उर्फ बमभोल, पूर्व मुखिया पंकज कुमार झा, नवादा पंचायतक पूर्व मुखिया रमानंद झा, सुरेंद्र झा, कौशलेंद्र झा मंगनु , विजय कांत झा, वेदानंद झा, राजेश कुमार झा, प्रदीप कुमार झा समेत सैकड़ों ग्रामवासी उपस्थित छलाह।
