प्रधानमंत्री मोदी एक बेर फेर ७६% रेटिंगक सङ्ग दुनियाक सबसँ लोकप्रिय नेता
नई दिल्ली
*
प्रधानमंत्री नरेन्द्र मोदी एक बेर फेर ७६ प्रतिशत रेटिंगक सङ्ग दुनियाक सबसँ लोकप्रिय राजनीतिज्ञक रूपमे उभरल छथि। ई आंकड़ा अमेरिकाक कन्सल्टिंग फर्म मॉर्निंग कन्सल्ट द्वारा जारी कयल गेल अछि। अमेरिका स्थित कन्सल्टिंग फर्म द्वारा ‘ग्लोबल लीडर अप्रूवल रेटिंग ट्रैकर’क अनुसार, भारतमे ७६ प्रतिशत लोक प्रधानमंत्री मोदीक नेतृत्वकेँ स्वीकार करैत छथि जखन कि १८ प्रतिशत असहमत छथि। संगहि छह प्रतिशत लोक एहि पर कोनो प्रतिक्रिया नहि देलनि। संगहि एहि सूचीमे अमेरिकी राष्ट्रपति जो बाइडेन, ब्रिटिश प्रधानमंत्री ऋषि सुनक, फ्रांसक राष्ट्रपति इमैनुएल मैक्रों, कनाडाक प्रधानमन्त्री जस्टिन ट्रूडो आ इटलीक प्रधानमन्त्री जाॅर्जिया मालोनी सेहो शामिल छथि।
मेक्सिकोक राष्ट्रपति आन्द्रेज मैनुएल लोपेज ओब्राडोर ६६ प्रतिशत अनुमोदन रेटिंगक सङ्ग मॉर्निंग कन्सल्ट रेटिंगमे दोसर स्थान पर छथि। स्विट्जरलैण्डक राष्ट्रपति एलेन बर्सेट ५८ प्रतिशत मतक सङ्ग तेसर स्थानपर छथि।
ब्राजीलक राष्ट्रपति लूला डी सिल्वा ४९ प्रतिशत रेटिंगक सङ्ग चारिम स्थानपर छथि। ऑस्ट्रेलियाक प्रधानमन्त्री एंथनी अल्बनीज ४७ प्रतिशत रेटिंगक सङ्ग पाँचम स्थानपर छथि।
ई सूची २९ नवम्बर सँ ५ दिसम्बरक बीच एकत्रित आंकड़ाक आधार पर तैयार कयल गेल अछि। अमेरिकी राष्ट्रपति जो बाइडेन एहि सूचीमे आठम स्थान पर छथि। इटलीक प्रधानमन्त्री जॉर्जिया मेलोनी ४१ प्रतिशत अनुमोदन रेटिंगक सङ्ग छठम स्थान पर छथि। बेल्जियमक प्रधानमन्त्री अलेक्जेंडर डी क्रू ३७ प्रतिशत अनुमोदन रेटिंगक सङ्ग सातम स्थानपर छथि, अमेरिकी राष्ट्रपति जो बाइडेन ३७ प्रतिशत अनुमोदन रेटिंगक सङ्ग आठम स्थानपर छथि, स्पेनक प्रधानमन्त्री पेड्रो सांचेज ३७ प्रतिशत अनुमोदन रेटिंगक सङ्ग नवम आ आयरिश प्रधानमन्त्री लियो वरादकर ३६ प्रतिशत अनुमोदन रेटिंगक सङ्ग १०म स्थानपर छथि।
भाजपा नेता लोकनि कहलनि अछि जे अंतर्राष्ट्रीय सर्वेक्षण सेहो ‘मोदी की गारंटी’ आ ‘मोदी जादू’क समर्थन कयलक अछि। आइ पूरा दुनिया समस्याक समाधानक लेल पीएम मोदी दिस देखैत अछि। पार्टीक राष्ट्रीय प्रवक्ता सहजाद पूनावाला कहलनि विधानसभा चुनावक बाद इंटरनेशनल सर्वे सेहो मोदीक गारंटी आ मैजिकक समर्थन कयलक अछि। कोविड १९ जेहेन वैश्विक संकटमे सेहो मोदीक शीर्ष रैंक रहल, जखनि कि बाकी कतेको नेताक लोकप्रियतामे गिरावट आयल छल। मोदीक शीर्ष एप्रूवल रेटिंग २०२४ केर लोकसभा चुनावमे सेहो अपन असर देखाओत।
