केन्द्रीय गृह मंत्री अमित शाह पश्चिम बङ्गालक हुगलीक श्रीरामपुरमे एकटा जनसभाकेँ सम्बोधित कयलनि। ओ कहलनि जे राहुल गांधी आ ममता बनर्जी, अहाँकेँ डरय केर अछि तऽ डरैत रहू, ई पीओके भारतक अछि आ एकरा हम लऽ कऽ रहब।
अमित शाह कहलनि, “ममता बनर्जी, कांग्रेस-सिंडिकेट कहैत छथि जे अनुच्छेद ३७० केँ नहिं हटाउ। हम संसदमे पुछलहुँ जे एकरा किएक नहिं हटाउ, तऽ ओ सभ कहलनि जे खूनक नदी बहि जाएत। ई नरेन्द्र मोदीक शासन अछि। ५ साल बीत गेल, खूनक नदी तऽ छोड़ू, एकटा कंकड़ चलाबय केर हिम्मत केकरोमे नहिं अछि। नरेन्द्र मोदी अनुच्छेद ३७० हटा देलनि आ पूरा कश्मीरकेँ सदाक लेल भारतसँ जोड़ि देलनि। जखन इंडी गठबंधन सत्तामे छल, तखन हमर कश्मीरमे हड़ताल होइत छल। आइ पाकिस्तान अधिकृत कश्मीरमे हड़ताल भऽ रहल अछि, पहिने कश्मीरमे स्वतंत्रताक नारा लागैत छल, आब पीओकेमे स्वतंत्रताक नारा लागैत अछि। पहिने कश्मीरमे पथराव होइत छल, आइ पीओकेमे पथराव होइत अछि।”
रैलीकेँ सम्बोधित करैत अमित शाह कहलनि जे २ करोड़ ११ लाख पर्यटक कश्मीर आबि एकटा नव कीर्तिमान स्थापित कयलक आ पाकिस्तान अधिकृत कश्मीरमे आटाक दाम एकटा कीर्तिमान बनौने अछि। लेकिन, मणिशंकर अय्यर आ फारूक अब्दुल्ला देशकेँ डरयबाक काज कऽ रहल छथि जे पाकिस्तान लग एटम बम अछि, पीओकेक बात नहिं करू। आइ हम श्रीरामपुरक धरतीसँ कहैत छी जे राहुल गांधी, जँ अहां डरय चाहैत छी तऽ डरु, ममता बनर्जी, जँ अहां डरय चाहैत छी तऽ डरैत रहू, ई पीओके भारतक अछि आ हम लऽ कऽ रहब।
ओ आगू राज्यक तृणमूल सरकारपर निशाना साधैत कहलनि जे पीएम मोदी बंगालक विकासक लेल बहुत काज कयने छथि। हम ममता दीदीसँ पूछय चाहैत छी, २० साल तक अहाँक लोक सोनिया-मनमोहन सिंह सरकार मे मंत्री छलाह। मुदा सोनिया-मनमोहन सिंह सरकार बंगालक विकासक लेल की कयलक ? हुनकर सरकार १० सालमे बंगालक विकासक लेल मात्र २ लाख करोड़ टाका देलक। जखन कि पीएम मोदी १० सालमे ९ लाख २५ हजार करोड़ रुपया देबाक काज कयलक अछि। मुदा ई पाइ अहाँ तक नहिं पहुँचल। किएकि ई ९ लाख करोड़ गुण्डा खा लेलक।
