ताइवानकेँ हथियार बेचय वाला ५ रक्षा कंपनी पर लगौलक प्रतिबंध
*
नई दिल्ली
*
चीनी कंपनी आ नागरिक पर लागल प्रतिबंधक जवाबमे चीन रविदिन अमेरिकाक खिलाफ पैघ कार्रवाई केलक आ ताइवानकेँ हथियार बेचय वला पाँच अमेरिकी रक्षा कंपनी पर प्रतिबंध लगा देलक। विदेश विभाग ऑनलाइन एकटा बयानमे कहलक जे ई प्रतिबंध चीनमे एहि कम्पनीसभक सम्पत्तिकेँ जब्त कऽ लेत आ चीनमे स्थित सङ्गठन आ व्यक्तिसभकेँ ओकर सङ्ग व्यापार करबासँ रोकि देत। जाहि कम्पनीसभपर प्रतिबन्ध लगाओल गेल अछि ओहिमे बीएई सिस्टम्स लैंड एंड आर्मामेंट, एलियंट टेकसिस्टम्स ऑपरेशन, एयरोविरोनमेंट वियासैट आ डेटा लिंक सॉल्यूशंस सम्मिलित अछि।
विदेश विभाग कहलक जे अमेरिकी कार्रवाई चीनक संप्रभुता आ सुरक्षा हितकेँ नुकसान पहुँचयलक अछि, ताइवान जलडमरूमध्यमे शान्ति आ स्थिरताकेँ कमजोर कयलक अछि, आ चीनी कंपनी आ नागरिकक अधिकार आ हितक उल्लंघन कयलक अछि। मंत्रालय एकटा वक्तव्यमे कहलक, “चीनी सरकार राष्ट्रीय संप्रभुता, सुरक्षा आ क्षेत्रीय अखण्डताक रक्षा आ चीनी कंपनी आ नागरिकक कानूनी अधिकार आ हित सभक रक्षाक हमर संकल्प पर अडिग अछि।”
चीन ओकर पूर्वी तट पर स्थित स्वशासित ताइवानकेँ अपने हिस्सा मानैत अछि।
