पटना उच्च न्यायालयक न्यायाधीशक मधुबनीमे स्वागत
मधुबनी समदिया
*
पटनाक उच्च न्यायालयक न्यायाधीशक एखनि न्यायालय सभक निरीक्षणक काज चलि रहल छनि। एहि क्रममे काल्हि २२-१२-२०२३ कऽ पटना उच्च न्यायालयक न्यायाधीश न्यायमूर्ति संदीप कुमारक मधुबनीक न्यायालयमे आगमन भेलैन, जतय हुनक भव्य स्वागत भेल। मधुबनीक व्यवहार न्यायालयमे शुक्र कऽ पटना उच्च न्यायालयक न्यायाधीश न्यायमूर्ति संदीप कुमारकेँ लायर्स एसोसिएशनक महासचिव एडवोकेट कन्हैयाजी झा गणमान्यजनक उपस्थितमे सम्मानित कयलनि। एडवोकेट कन्हैयाजी झा ‘मैथिल पुनर्जागरण प्रकाश राष्ट्रीय मैथिली दैनिक’क विधि सलाहकार छथि। स्वागत-सत्कार कार्यक्रममे माननीय जिला एवं सत्र न्यायाधीश अनामिका टी एवं अन्य न्यायाधीश उपस्थित छलैथ। आइ २३ दिसम्बर, शनि कऽ न्यायमूर्ति संदीप कुमारक बेनीपट्टी एवं झंझारपुरक न्यायालयमे निरीक्षणक कार्यक्रम छनि।
