पाकिस्तान कहलक अछि जे ओ पड़ोसी देश भारत सहित सभ देशक सङ्ग शान्तिपूर्ण सम्बन्ध चाहैत अछि। ई बात मीडिया रिपोर्टमे कहल गेल अछि।
पाकिस्तानक विदेश कार्यालय कहलक अछि “पाकिस्तान शांतिपूर्ण पड़ोसक लेल प्रतिबद्ध अछि आ भारत सहित एहि क्षेत्रक सभ देशक सङ्ग शान्तिपूर्ण सम्बन्ध राखय चाहैत अछि।”
पाकिस्तानी मीडिया रिपोर्टमे हुनकर विदेश कार्यालयक प्रवक्ता मुमताज जहरा बलूचक हवालासँ कहल गेल अछि, “भारतकेँ वार्ताक वातावरण बनेबाक लेल कदम उठयबाक आवश्यकता अछि।
बलूच कहलनि, “भारतक सङ्ग वार्ता केवल समानता, सम्मान आ प्राथमिकताक मुद्दाक रूपमे जम्मू-कश्मीर पर चर्चाक आधारपर भऽ सकैत अछि।
बलूच कश्मीरमे मुस्लिम लीग गुट पर अंकुश लगाबय आ मुस्लिम लीग जम्मू-कश्मीरक मसर्रत आलम गुटकेँ “गैरकानूनी संघ” घोषित करबाक लेल भारत सरकारक आलोचना सेहो कयलक।
