बिहारक मुख्यमंत्री नीतीश कुमार शुक्रदिन सिवानक जसौलीमे जनसभाकेँ संबोधित करैत विपक्ष पर हमला कयलनि। ओ कहलनि जे जखनि मौका भेटल तऽ ओ सभ किछु नहि कयलनि आ आब ओ बस बकवास करैत छथि।
एहि दौरान ओ एनडीए सरकारमे भेल विकासक काज पर चर्चा कयलनि। एहि दौरान बिहारक मुख्यमंत्री नीतीश कुमार प्रधानमंत्री नरेंद्र मोदीक खूब प्रशंसा कयलनि। ओ कहलनि जे आई पीएम मोदी एहि ठाम कतेको योजनाक उद्घाटन आ शिलान्यास कय रहल छथि। बिहारमे लगातार विकास भऽ रहल अछि।
प्रधानमंत्री नरेंद्र मोदी सिवान जिलाक जसोलीमे जनसभाकेँ संबोधित कय रहल छलाह। एहिसँ पहिने मुख्यमंत्री नीतीश कुमार जनसभाकेँ संबोधित कयलनि।
ओ पीएम मोदीकेँ एतय पहुंचला पर खुशी व्यक्त करैत कहलनि जे ई बहुत खुशीक बात अछि। 2005 मे बिहारमे एनडीए सरकार बनल छल आ तहियासँ हम सब पूरा बिहार लेल सबटा काज कऽ देलहुँ अछि। जखन मौका भेटल तऽ हम सब काज कयलहुँ, मुदा हुनकासँ पहिने केर लोक कोनो काज नहि कयलथि।
मुख्यमंत्री नीतीश कुमार अप्रत्यक्ष रूपसँ राजदकेँ निशाना साधैत कहला जे आइ-काल्हि लोक बकवास कऽ रहल अछि। बस बेमतलबक गप। हुनका सभसँ ई पूछल जाए जे हमर सरकारसँ पहिने बिहारक हालत की छल। कोनो काज नहि भेल। ओहि समय लोक घरसँ बाहर नहि निकलैत छल। आइ एतेक पैघ संख्यामे लोक पीएम केर गप सुनबा लेल आयल छथि।
ओ कहला जे जखनि हम सब सत्तामे आयल रही तऽ महिलाकेँ 50 प्रतिशत आरक्षण देलहुँ। बिहारमे शिक्षा आ स्वास्थ्य केर क्षेत्रमे बहुत काज भेल। राज्यमे पैघ पैमाना पर पुलक निर्माण भेल। हर घरमे नलक पानि आ शौचालय केर व्यवस्था भऽ रहल अछि। हालमे जिलाक दौराक बाद 430 आवश्यक योजनाक मंजूरी भेटल। सब ठाम काज शुरू भऽ गेल अछि। सिवान, गोपालगंज आ सारणक कतेको विकास योजनाक सेहो मंजूरी भेटि गेल अछि।
केंद्र सरकारक प्रशंसा करैत सीएम नीतीश कुमार कहला जे केंद्र सरकार बिहार लेल बहुत काज कयलक अछि। लोकसँ एहि काजकेँ याद करबाक अपील करैत ओ कहला जे सड़क, उद्योग, स्वास्थ्य, पर्यटन आ बाढ़ि नियंत्रण लेल भारी राशिक घोषणा कयल गेल। फरवरी 2025 केर बजटमे मखान बोर्ड आ कतेको हवाई अड्डाक स्थापनाक घोषणा कयल गेल। जाति जनगणनाक लेल ओ पीएम मोदीकेँ विशेष धन्यवाद देलनि।
