हम प्रधानमंत्रीसँ राज्यक लेल देय फंड जारी करय केर आग्रह कयलौंह – ममता
ममता बनर्जी प्रधानमंत्री मोदीसँ भेंट कयलनि
*
नई दिल्ली
*
पश्चिम बंगालक मुख्यमंत्री ममता बनर्जी सांसदक एकटा प्रतिनिधिमण्डलक सङ्ग प्रधानमंत्री नरेन्द्र मोदीसँ भेंट कयलनि। प्रधानमंत्री नरेन्द्र मोदीसँ भेंट कयलाक बाद पश्चिम बंगालक मुख्यमंत्री ममता बनर्जी कहलनि, “हमर सांसद सहित दस सदस्यीय प्रतिनिधिमण्डल आइ प्रधानमंत्रीसँ भेंट कयलक। हम प्रधानमंत्रीसँ आग्रह केलहुं जे राज्यक बकाया धनराशि जारी करू। ओ कहलनि जे एहि पर केंद्र आ पश्चिम बंगालक अधिकारीक बीच संयुक्त बैसार होयत।
ओमहर इंडिया ब्लॉकक लेल पीएम फेस पर टीएमसीक ममता बनर्जी कहैत छथि, हम कांग्रेस अध्यक्ष मल्लिकार्जुन खड़गेक नाम प्रस्तावित कयने छी। अरविन्द केजरीवाल हमर प्रस्तावकेँ समर्थन कयलनि।
पश्चिम बंगालक मुख्यमंत्री ममता बनर्जी प्रधानमंत्री नरेन्द्र मोदीकेँ राज्यक लेल धनराशि जारी करबाक आग्रह कयलनि। ओ दावा कयलनि “भारत सरकारपर विभिन्न केन्द्र प्रायोजित योजना आ पछिला सालमे प्राकृतिक आपदाक लंबित दावाक कारण लगभग १.१६ लाख करोड़ टाका बकाया अछि।”
