मिथिला क्षेत्रीय बिहारक शेखपुरामे चटपटमे बड़का डकैती
शेखपुरा
*
मिथिला क्षेत्रीय बिहारक शेखपुरा जिलाक बरबीघामे सोम कऽ डकैतीक एकटा पैघ घटना भेल। दुपहरिया १.१४ बजे थाना क्षेत्रक हटिया मोड़ लग स्थित आशीर्वाद गोल्ड लोन फाइनेंस कंपनीमे ५ गोटे घुसि सोना लूटि लेलक। सोना डकैतीक एहि पूरा घटनाक एकटा वीडियो सामने आयल अछि, जाहिमे देखल जा रहल अछि जे ई पूरा घटना मात्र ३ मिनटमे भऽ गेल अछि।
लुटेरा पहिने मुखौटा(मास्क) लगेने प्रवेश करैत अछि आ फेर ३ मिनटक भीतर लॉकरसँ २ करोड़ रुपैयाक २०० पैकेट सोना आ नगदी लूटि लैत अछि। ई पूरा घटना २ सँ ३ मिनट धरि चलल जाहिमे अपराधी सोना आ नगदी लूटि भागि गेला। एसपी स्वयं घटनास्थल पर पहुँचलाह आ सीसीटीवी कैमरासँ डकैतीक घटनाक जाँच कयलनि। पूरा घटना सीसीटीवी कैमरामे देखल जा रहल अछि।
डकैतीक जाँच कऽ रहल एसपी कहलनि जे लुटेरासभकेँ जल्दिये गिरफ्तार कऽ लेल जायत। दोसर दिस, बरबीघाक सबसँ व्यस्त मानल जायवला हटिया मोड़ लग दिनदेखारे डकैतीक घटना पुलिसक कार्यप्रणाली पर सवाल उठौलक अछि।
थाना घटनास्थल सँ ५०० मीटर दूर स्थित अछि, जखनि कि एसपी सब थाना प्रमुखकेँ दिन-राति सड़क पर गश्त करय केर निर्देश देने छलथि, मुदा घटनाक समय पुलिसकेँ जानकारी तक नहिं भेटल आ अपराधी ३ मिनटक भीतर पूरा घटनाकेँ अंजाम दऽ कऽ आसानीसँ फरार भऽ गेल।
एसपीक अनुसार, एकटा टीम गठित कयल गेल अछि जे सोना डकैतीक घटना करयवला अपराधी धरि पहुँचि सकैत अछि। पुलिसकेँ आशा अछि जे सीसीटीवीसँ डकैतीक कतेको रहस्यक खुलासा होयत। छुट्टी पर रहनिहार आशीर्वाद लोन फाइनेंस कंपनीक कर्मचारी पर सेहो पुलिसक जांच चलि रहल अछि। एखन पुलिस स्पष्ट रूपसँ किछु नहिं कहय चाहि रहल अछि।
