टिकट नहिं भेटत तऽ निर्दलीय लड़ब चुनाव, मुदा नहिं छोड़ब पूर्णिया सीट : पप्पू यादव

पूर्णिया
*

पप्पू यादव निर्णय लेलनि अछि जे ओ पूर्णियासँ कांग्रेसक चिन्ह पर चुनाव लड़ताह आ जँ नहिं भेल तँ ओ पूर्णियासँ निर्दलीय उम्मीदवारक रूपमे चुनाव लड़ताह।
बिहारमे इंडी एलायंसमे सीटक बंटवारा भऽ गेल अछि, मुदा पूर्णिया सीट केर लऽ कऽ राजद-कांग्रेसमे एखनो कोनो बात नहिं बनल अछि। एक दिस पप्पू यादव आ दोसर दिस राजद अछि। पप्पू यादव घोषणा कयने छथि जे ओ ई सीट नहिं छोड़ताह। स्पष्ट अछि जे ओ पूर्णिया सीटसँ चुनाव लड़ताह। पप्पू यादव निर्णय लेलनि अछि जे ओ पूर्णियासँ कांग्रेसक चिन्ह पर चुनाव लड़ताह आ जँ नहि भेल तँ ओ पूर्णियासँ निर्दलीय उम्मीदवारक रूपमे चुनाव लड़ताह। खबरि अछि जे २ अप्रैलकेँ पप्पू यादव सेहो पूर्णियासँ नामांकन दाखिल करताह।

पप्पू यादवक पूर्णियासँ नामांकन दाखिल करबाक पाछाँ एकटा पेंच सेहो अछि। एहिमे पेंच ई अछि जे इंडिया गठबंधनक सदस्य दल आरजेडी एहि सीटसँ पहिनेसँ अपन उम्मीदवार घोषित कऽ चुकल अछि। आरजेडी पूर्णिया सीटसँ बीमा भारतीकेँ अपन उम्मीदवार घोषित कयलक अछि। पूर्णिया सीट आब इंडी गठबंधनक लेल एकटा पैघ माथदर्द साबित भऽ रहल अछि। जतय राजद पूर्णिया सीट कांग्रेसकेँ देबासँ मना कऽ देलक, ओतहि पप्पू यादव पूर्णिया सीटसँ चुनाव लड़बा पर अडिग छथि। पप्पू यादव कांग्रेससँ चुनाव चिन्ह मांगि रहल छथि। पप्पू कहैत छथि जे जँ हुनका चुनाव चिन्ह नहिं भेटत तखन निर्दलीय पूर्णियासँ चुनाव लड़ि सकैत छथि। खबरि अछि जे २ अप्रैलकेँ पप्पू यादव पूर्णिया लोकसभा सीटसँ नामांकन दाखिल कऽ सकैत छथि।