केन्द्रीय वित्त मंत्री निर्मला सीतारमण शनिदिन मेक्सिको सिटीमे मेक्सिकोक वित्त आ सार्वजनिक ऋण सचिव डॉ. रोजेलियो रामिरेजसँ भेंट कयलनि। जाहिमे दुनू नेताक बीच महत्वपूर्ण मुद्दा पर चर्चा भेल। सीतारमण बैसारक दौरान कहलनि जे भारतकेँ मैक्सिको सरकारक सङ्ग अपन अनुभव साझा करबामे आ भारतक डिजिटल परिवर्तनक आधार पर सहयोगक अन्वेषण करबामे प्रसन्नता होयत।
वित्त मंत्री कार्यालय एक्स पोस्ट पर जारी बयानमे कहलक, “निर्मला सीतारमण अपन मैक्सिकोक अपन समकक्षक सङ्ग बातचीतमे कहलनि जे भारत एक अरबसँ बेसी बैंक खाता, मोबाइल फोन आ डिजिटल पहचान आधार, एकीकृत भुगतान इंटरफेस यूपीआई, एकाउंट एग्रीगेटर फ्रेमवर्क आ प्रत्यक्ष लाभ हस्तांतरण (डीबीटी)क नींवक लाभ उठाकय, एकटा नव डिजिटल अर्थव्यवस्था बनाबय आ कमजोर लोकक संग-संग पैघ समाजकेँ सशक्त बनयबामे सफल प्राप्त कयलक अछि।
केन्द्रीय वित्त मंत्री सीतारमण डॉ. रोजेलियो रामिरेजकेँ लगातार दोसर कार्यकाल लेल वित्त आ सार्वजनिक ऋण सचिवक रूपमे नियुक्ति पर बधाई देलनि। एकर सङ्गहि ओ विवेकपूर्ण राजकोषीय नीतिक बाद पछिला ६ सालमे मैक्सिकन अर्थव्यवस्थाक मजबूत प्रदर्शनक सेहो सराहना कयलनि।
सङ्गहि डॉ. रोजेलियो रामिरेज समग्र जनसंख्याक मदति लेल मैक्सिकन प्रशासनक मूलभूत स्तम्भकेँ साझा कयलनि। एहिमे कम आय वला परिवारकेँ सहायता, सार्थक बुनियादी ढाँचाक विकास, आपूर्ति-पक्षक उपाय सम्मिलित अछि।
