एनआईए महाराष्ट्र आ कर्नाटकमे ४४ ठिकाना पर छापा मारि आतंकी साजिश केर कयलक नाकाम
मुम्बई
*
राष्ट्रीय जांच एजेंसी (एनआईए) केर टीम आईएसआईएस आतंकी मॉड्यूल षड्यंत्र मामिलाक चलि रहल जाञ्चक हिस्साक रूपमे भोरे-भोर महाराष्ट्रमे कमसँ कम ४३ स्थान आ कर्नाटकमे एकटा स्थानपर छापा मारलक, आ कमसँ कम १५ लोककेँ हिरासत मे लेलक।
एनआईएक टीम जाहि ४१ स्थानपर पहुँचल अछि ओहिमेसँ बेसी ठाणे जिलाक ग्रामीण वा अर्ध-ग्रामीण क्षेत्रमे, एकटा मीरा-भयंदर शहरमे, आ दूटा पुणेमे अछि। एकर अतिरिक्त, पड़ोसी राज्य कर्नाटकक एकटा स्थानपर सेहो एहने छापा मारल गेल।
एनआईए एकटा गहींरगर षड्यंत्रक पर्दाफाश कयलक अछि जाहिमे अन्तर्राष्ट्रीय प्रभाव आ विदेशी स्थानपर स्थित आतंकी सम्पर्क आ आईएसआईएस कार्यकर्तासभक संलिप्तता छैक।
जाञ्चमे भारतक भीतर आईएसआईएसक आतंकवादी विचारधाराक प्रचार आ युवासभकेँ आकर्षित करबामे लागल व्यक्तिसभक एकटा जटिल नेटवर्कक सेहो खुलासा भेल अछि।
कथित रूपसँ नेटवर्क आईएसआईएसक स्वघोषित खलीफा (प्रमुख)क प्रति निष्ठाक शपथ लेलक अछि आ अपन गुर्गाक माध्यमसँ भारतमे आतंकी गतिविधिकेँ अंजाम देबाक लेल इम्प्रोवाइज्ड एक्सप्लोसिव डिवाइस (आईईडी) तैयार कय रहल छल।
विभिन्न स्थानसँ हिरासत मे लेल गेल लोकमे फिरोज कुवर, हसीब मुल्ला, मुसाब मुल्ला, रेहान सुसे, फरहान सुसे, आदिल खोत, मुखलिस नाचन, राफेल नाचन, रजील नाचन, शाकिब नाचन, सैफ अतीक नाचन, याह्या खोत, शाकूब दिवकर, कासिफ बेलारे सम्मिलित अछि।
सूत्र संकेत देलक जे राज्यमे जाञ्च आगू बढ़ला पर आओर बेसी छापा आ गिरफ्तारीक सम्भावना अछि।
