जननायक कर्पूरी ठाकुर स्मारक स्थलक सौंदर्यीकरण कार्य केर शिलान्यास भारत रत्न जननायक कर्पूरी ठाकुरक नाम पर एसपी कार्यालय चौक केर नामकरण, एकर सौंदर्यीकरण करबाक शिलान्यास कयल गेल।युवा समाजसेवी रोशन मिश्रक अध्यक्षतामे एवं विजेन्द्र ठाकुरक नेतृत्वमे बिहार सरकारक पूर्व मंत्री एवं सदर विधायक डॉ. आलोक रंजन द्वारा सहरसा एसपी कार्यालय लगक चौराहा केर सुन्दर बना कय भारत रत्न जननायक कर्पूरी ठाकुर केर नाम पर औपचारिक रूपसँ नामित कयल गेल। निर्माण कार्यक शिलान्यास करैत मूर्ति स्थापनाक घोषणा कयल गेल।पूर्व मंत्री डॉ. आलोक रंजन कहला कि जननायक कर्पूरी ठाकुरक जन्म शताब्दी पर भारत सरकार स्वतंत्रता केर महान नेता जननायक कर्पूरी ठाकुर संघर्ष कयलनि, पिछड़ा आ अत्यंत पिछड़ल वर्गक लेल लड़लनि। भारत रत्नसँ सम्मानित कय हुनकर सम्मान कयल गेल। ओ कहला कि जननायक कर्पूरी चौक केर सौंदर्यीकरण कार्य मुख्यमंत्री नगर विकास योजना केर तहत सहरसामे औपचारिक रूपसँ शिलान्यास कयल गेल। जन सहयोगसँ हुनकर प्रतिमाक स्थापना सेहो कयल जायत। जे निस्संदेह जननायकक विचारधारा केर मजबूत करत। युवा सबमे लोकप्रिय युवा समाजसेवी रोशन मिश्रा कहलनि जे, जननायकक विचार केर पालन कयलासँ सम्पूर्ण विकसित समाजक निर्माण भऽ सकैत अछि। एनएसयूआई केर मनीष कुमार कहलनि जे, जननायक केर विचार सदिखन जीवित रहत। नगर अध्यक्ष भैरव झा आ त्रिलोक झा कहलनि जे हुनकर सादगी आगामी पीढ़ी लेल प्रेरणा अछि। युवा समाजसेवी रोशन झा आजाद आ रोहित झा कहलनि जे जननायक हमरा सबकेँ पूरा समाज केर संग लऽ जायब सिखौलनि अछि। नाई समुदायसँ आयल राष्ट्रीय नाई संघ अध्यक्ष अमरेश ठाकुर विधायक केर प्रति अपार हर्ष व्यक्त करैत आभार व्यक्त केलनि। एहि अवसर पर ब्राह्मण महासभा अध्यक्ष डब्बू मिश्रा, वार्ड पार्षद नगर पंचायत मिथलेश झा, सचिव सोनू गुप्ता, योगेश, टिंकू मैथिल, अंशु मिश्रा, विकास, अभिषेक कुमार, हर्षवर्धन, मनीष झा, गौतम राय, मोहम्मद नईम, मोहम्मद शाकिब, अजहर, नंदन, रणधीर कुमार, मनोज कुमार, गणेश ठाकुर, धर्मेन्द्र ठाकुर, अरविंद कुमार, संभू ठाकुर, मिथिलेश ठाकुर, सुमित सिंह, पवन ठाकुर, कमल किशोर यादव, प्रिंस यादव, नगर महासचिव नागमणि वर्मा, नगर मंत्री रविन्द्र कुमार रवि सहित अनेक गणमान्य व्यक्ति उपस्थित रहलाह।
