लोकसभा चुनावक तैयारी हेतु स्थानीय प्रशासन कमर कसलक

बेनीपुर समदिया
*

लोकसभा चुनावक तैयारीकेँ लऽ कय स्थानीय प्रशासन कमर कसि लेलन्हि अछि। चुनाव शांतिपूर्ण संपन्न करेबाक लेल संदिग्ध आ संदेहास्पद लोक सबहक विरुद्ध कार्रवाई तेज कऽ देल गेल अछि। ताहि लेल अनुमंडल क्षेत्रमे एखनधरि 1248 लोकक विरुद्ध धारा 107 केर तहत निरोधात्मक कार्रवाई कयल गेल अछि। बतायल जा रहल अछि जे बहेड़ा थाना क्षेत्रक 765 आ अलीनगर थाना क्षेत्रक 483 लोकक विरुद्ध निरोधात्मक कार्रवाई कयल गेल अछि । अनुमंडल पदाधिकारी शंभू नाथ झा बतेलनि जे धारा 107 केर तहत निरोधात्मक कार्रवाईमे बहेड़ा थाना क्षेत्रक 204 लोक एखनधरि बंध पत्र भरलनि अछि जखनकि अलीनगर थाना क्षेत्रक 178 लोक एखनधरि बंध पत्र जमा कयलनि अछि। शेष 422 लोकक विरुद्ध वारंट निर्गत कयल गेल अछि। निर्गत वारंट धारा 113 केर तहत बहेड़ा आ अलीनगर थानाकेँ पठा देल गेल अछि जाहिसँ सभ आरोपितक बंद पत्र जल्दसँ जल्द जमा कराओल जा सकय।