राजनगर प्रखंडमे महादलित, दलित एवं अल्पसंख्यक अतिपिछड़ा वर्ग अक्षर आँचल योजनाक अंतर्गत नवसाक्षर महिला लोकनिक बुनियादी साक्षरता परीक्षाक सफल आयोजन कयल गेल। परीक्षा सभ संकुल संसाधन केंद्र सह सहायक केन्द्र पर आयोजित कयल गेल। बुनियादी परीक्षा निर्धारित समय पर प्रारंभ भेल।
परीक्षामे 15 सँ 45 आयु वर्गक ओहन महिला शामिल भेलीह जिनका पूर्वमे संचालित 55 साक्षरता केंद्र पर नवसाक्षर बनाओल गेल छल। एहि परीक्षामे 1100 नव साक्षर लोकनि भाग लेलन्हि । परीक्षा, नवसाक्षर केर पढ़ब लिखब तथा कार्यात्मक ज्ञानक आकलन अछि। परीक्षाक दौरान बनाओल गेल सभ केंद्रमे सँ म. वि. भगवानपुरमे जिला शिक्षा पदाधिकारी राजेश कुमार, जिला कार्यक्रम पदाधिकारी साक्षरता मणिभूषण कुमार आ केआरपी सुजीत कुमार ठाकुर अनुश्रवण कयलनि। महापरीक्षामे कुल 1100 नवसाक्षर भाग लेलनि। जाहिमे महादलित 479 दलित 333 आ अल्पसंख्यक 288 भाग लेलन्हि। प्रश्नपत्रक तीन भाग पढ़ब, लिखब आ गणित छल। नवसाक्षर महिला अपन सुविधानुसार 10 सँ 4 बजे केर बीच तीन घण्टा परीक्षा देलनि। परीक्षामे शामिल नवसाक्षर महिलाक प्रमण-पत्रमे ए, बी व सी ग्रेड प्रदान कयल जायत।
