मिथिला क्षेत्रीय बिहारक मुजफ्फरपुरमे शराब माफियाक मनोबल बढ़ि गेल अछि, मुखबिर होयबाक सन्देहमे एकटा व्यक्तिक अपहरण कयलक। मुदा पुलिस समय पर कारवाई कयलक आ अपहृत व्यक्तिकेँ सुरक्षित बचा लेल गेल अछि।
मिथिला क्षेत्रीय बिहारक मुजफ्फरपुरमे शराब व्यवसायीक साहस एतेक बढ़ि गेल जे शंकाक आधार पर पुलिसमे शिकायत कऽ ओकरा पकड़निहार व्यक्तिक अपहरण कऽ लेलक। अपहरणक बाद ओ व्यक्ति ओहि व्यक्तिक परिवारकेँ मारबाक धमकी देलक आ फिरौतीक माँग कयलक। अंततः जखन परिवार २ लाख टाका लऽ कऽ पहुँचल तखन अपहरणकर्ता ओकर पिकअप वाहन आ पाइ लऽ गेल मुदा ओहि व्यक्तिकेँ हुनका नहिं सौंपलक आ कारक माँग कयलक। अन्तमे पुलिस मोबाइल ट्रैकिंगक माध्यमसँ अपहरणकर्तासभकेँ गिरफ्तार कयलक आ ओहि व्यक्तिकेँ सुरक्षित बचा लेलक।
जानकारीके अनुसार ई पूरा मामिला मुजफ्फरपुरक अहियापुर थाना क्षेत्रक झापाहन केर अछि। किछु दिन पहिने पुलिस मेडिकल ओवरब्रिज लग अवैध शराब जब्त कयने छल।पुलिसक कारवाईक बाद आरोपी पुलिस मुखबिर हेबाक संदेहमे मेडिकल ओवरब्रिज लगसँ गैरेज ऑपरेटर हरेंद्र सहनीकेँ अपहरण कऽ लेलक। हरेन्द्रकेँ छोड़बाक बदलामे अपहरणकर्ता हरेन्द्रक परिवारसँ ७ लाख टाकाक माँग कयलक। जखन परिवार अपहरणकर्तासभ लग पहुँचल आ कहलक जे ओ मात्र २ लाख टाकाक व्यवस्था कयने अछि तखनि ओ पिकअप वाहन आ २ लाख टाका लऽ लेलक, मुदा हरेन्द्रकेँ नहिं छोड़लक।
हरेन्द्रक पत्नी राधा देवी अपहरणक शिकायत वरिष्ठ पुलिस अधिकारीसभसँ कयलनि। शिकायतक दौरान ओ पुलिसकेँ कहलनि कि हुनकर पतिकेँ शराब माफिया द्वारा अपहरण कऽ लेल गेल अछि। पूरा मामिला सुनलाक बाद पुलिस अधिकारी एसएसपी राकेश कुमार हरेन्द्रकेँ बचाबय लेल डीएसपी विनीता सिन्हा, अहियापुर थानेदार रोहन कुमारक नेतृत्वमे एकटा जाँच दलक गठन कयलनि।
पुलिस परिवारसँ मोबाइल नम्बर लऽ लेलक जाहिसँ बेर-बेर फोन आबि रहल छल। पुलिस ओहि नंबरक लोकेशनक पता लगा लेलक आ जीरो माइल चौक पर छापा मारिकय हरेन्द्रकेँ बचा लेलक। पुलिस दूटा आरोपीकेँ घटनास्थलसँ गिरफ्तार कए लेलक अछि। शेष अपहरणकर्ता घटनास्थलसँ भागबामे सफल रहल। पुलिस एखनि बाकी आरोपीकेँ गिरफ्तार करय लेल छापा मारि रहल अछि। पुलिस अपहरणकर्तासभसँ २ लाख टाका आ एकटा पिकअप वाहन सेहो बरामद कयलक अछि। डीएसपी विनीता सिन्हा कहलनि जे हरेन्द्र सहनीकेँ मुखबिर होयबाक सन्देहमे अपहरण कयल गेल छल। पुलिस १९ अगस्तकेँ ५८० लीटर शराब जब्त कयने छल, जाहिसँ शराब माफिया महेश राय आ ओकर बेटाकेँ हरेन्द्र पर मुखबिर होयबाक आशंका छल।
