चर्चित आईएएस अफसर आ बिहार सरकारक अपर मुख्य सचिव छुट्टीसँ लौटि गेलथि। पाठक शुक्र दिन छुट्टीसँ लौटलाक बाद शिक्षा विभाग पहुँचलाह आ एसीएस केर पदभार ग्रहण केलथि।
जानकारी लेल बता दी जे केके पाठक जहियासँ पदभार सम्भाललाह तहियासँ बिहारमे रोज नव फरमान जारी कय शिक्षामे सुधार लेल प्रयासरत भऽ गेलाह। एहि क्रममे बहुत स्कूलक मास्टर आ विद्यार्थीकेँ कठोर निर्णयसँ सामना भेल। अचानक छुट्टी पर गेलासँ लोकमे अफवाह छल जे शायद पाठक आब पुनः एहि पद पर नहिं अओताह। मुदा काल्हि पाठक पुनः पदभार ग्रहण करैत अपन एक्शनमे आबि गेलाह।
