चुलाई दारू सहित दारू भठ्ठी कयल गेल ध्वस्त

राजनगर समदिया
*

राजनगर थाना क्षेत्रक गोसाईं भुमि कैथाही गाममे दु गोटे देशी चुलाई दारू बनबैत पकड़ल गेल। पुलिस द्वारा दुनु दारू भठ्ठी सहित तैयार दारू आ अर्धनिर्मित दारू के नष्ट कय देल गेल। जनतबक अनुसार कैथाही गाममे दारू बनय केर बारेमे पुलिसकेँ जानकारी भेटला पर कयल गेल करवाईमे 300 लीटर अर्धनिर्मित दारू नष्ट कय देल गेल। जखनकि 15 लीटर तैयार दारूकेँ जब्त कयल गेल। तैयार दारू समेत दारू बनाबय बला उपकरण, दूटा लोहाक गैस चुल्हा, 5 मीटर पाईप बरामद कयल गेल। एहि सम्बन्धमे सहायक अवर निरीक्षक सिंटू कुमारक बयान पर कैथाही गामक भुवन पासवान आ उमेश पासवानक खिलाफ प्राथमिकी 180/2024 दर्ज कयल गेल अछि।