इजरायलक राजदूतक संयुक्त राष्ट्र महासचिव पर हमासक समर्थनक आरोप आ इस्तीफाक मांग
नई दिल्ली
*
संयुक्त राष्ट्रमे इजरायलक राजदूत गिलाद एर्दान बृहस्पतिकेँ महासचिव एंटोनियो गुटेरेसक तत्काल इस्तीफाक आह्वान दोहराबैत आरोप लगओलनि जे ओ हमासक हाथमे खेलि रहल छथि।
एर्दान गाजामे पूर्ण युद्धविरामक लेल सुरक्षा परिषदमे संयुक्त राष्ट्र महासचिवक आह्वानक जवाब दऽ रहल छलाह। ओ एकटा वक्तव्यमे कहलनि, “आइ महासचिव एकटा नव नैतिक पतन पर पहुँचि गेल छथि। ”
ओ कहलनि जे ओ इजरायल-हमास युद्धक संबंधमे संयुक्त राष्ट्र चार्टरक अनुच्छेद ९९ केँ “पहिल बेर” सक्रिय कऽ रहल छथि, एकटा एहन अनुच्छेद जकरा केवल एहन स्थितिमे लागू कयल जा सकैत अछि जतय अंतर्राष्ट्रीय शान्ति आ सुरक्षाकेँ खतरा छैक।
गिलाद एर्दान कहलनि जे महासचिव इजरायल पर दबाव बनेबाक लेल एहि दुर्लभ धाराकेँ सक्रिय करबाक निर्णय लेलनि जे नाजी हमास आतंकवादीसँ लड़ि रहल छल। “ई महासचिवक नैतिक विकृति आ इजरायलक प्रति हुनकर पूर्वाग्रहक बेसी प्रमाण अछि,” ओ कहलनि। एर्गेन कहलनि, “महासचिवक युद्धविरामक आह्वान वास्तवमे गाजामे हमासक आतंकक शासन कायम रखबाक आह्वान अछि। महासचिव स्थितिक लेल हमासकेँ जिम्मेदारीक तरफ इशारा करय आर आतंकवादी नेता सभकेँ स्वयंकेँ सौंपय आ बंधककेँ वापस करय लेल कहय केर बदला एहि प्रकारसँ युद्ध समाप्त करय लेल कहि, हमासक हाथमे खेलब जारी राखय केर विकल्प चुनलक।”
संयुक्त राष्ट्रमे इजरायलक राजदूत कहलनि, “महासचिवक विकृत स्थिति मात्र गाजामे लड़ाईकेँ लम्बा करत, किएक तँ ओ हमास उग्रवादीकेँ आशा दैत छथि जे युद्ध रोकि देल जायत आ ओ सभ जीवित रहबामे सक्षम होयत”।
ओ कहलनि जे संयुक्त राष्ट्रकेँ एकटा एहेन महासचिवक आवश्यकता अछि जे आतंकक विरुद्ध युद्धक समर्थन करय, नहिं कि एकटा एहेन महासचिवक जे हमास द्वारा लिखल पटकथाक अनुसार काज करय।”
