अंतरिम बजट भाषणक समापनक बाद वित्त मंत्री निर्मला सीतारमण लोकसभामे वित्त विधेयक २०२४ प्रस्तुत कयलनि, विधेयक पूर्ण बहुमतसँ पारित भऽ गेल।
वित्त मंत्री निर्मला सीतारमण कहलनि, “हमर युवा देशक उच्च आकांक्षा अछि, ओकरा अपन वर्तमानपर गर्व अछि आ उज्जवल भविष्यक आशा आ विश्वास अछि। हम आशा करैत छी जे जनता फेरसँ हमर सरकारकेँ ओकर उत्कृष्ट काजक आधार पर जबरदस्त जनादेश देत।
ई सभ अछि अंतरिम बजटक महत्वपूर्ण घोषणा :-
केन्द्रीय वित्त मंत्री निर्मला सीतारमण कहलनि, ‘हम आयात शुल्क सहित प्रत्यक्ष आ अप्रत्यक्ष करक लेल समान कर दर बनल रखबाक प्रस्ताव रखैत छी। संसदमे अंतरिम बजट प्रस्तुत करैत वित्त मंत्री निर्मला सीतारमण कहलनि, “२०२४-२५ मे राजकोषीय घाटा सकल घरेलू उत्पादक ५.१% होयबाक अनुमान अछि।
१) घरेलू पर्यटनकेँ बढ़ावा देबाक लेल लक्षद्वीप सहित हमर द्वीप सभ पर बन्दरगाह कनेक्टिविटी, पर्यटन बुनियादी ढाँचा आ सुविधाक परियोजना शुरू कयल जायत।
२) यात्रीक सुरक्षा, सुविधा आ आरामक लेल ४०,००० सामान्य रेलवे कोच केर वंदे भारत मानकमे बदलल जाएत।
३) तीनटा प्रमुख आर्थिक रेलवे काॅरीडोर लागू कयल जायत, पहिल- ऊर्जा, खनिज आ सीमेंट काॅरीडोर, दोसर- पोर्ट कनेक्टिविटी काॅरीडोर आ तेसर- उच्च यातायात घनत्व काॅरीडोर। मल्टीमाॅडल कनेक्टिविटीकेँ सक्षम करबाक लेल पीएम गतिशक्तिक अन्तर्गत परियोजनासभक पहिचान कयल गेल अछि।
४) आयुष्मान भारत योजनाक तहत स्वास्थ्य कवर सब आशा, आंगनबाड़ी कार्यकर्ता आ सहायककेँ देल जायत। संसदमे अंतरिम बजट प्रस्तुत करैत वित्त मंत्री निर्मला सीतारमण कहलनि, “कोविडक बादो हम पीएम आवास योजना (ग्रामीण)क अन्तर्गत ३ करोड़ घर बनयबाक काज पूरा कयलहुँ। अगिला ५ सालमे 2 करोड़ घर आर बनत।
५) पिछला १० सालमे महिला उद्यमीकेँ ३० करोड़ मुद्रा योजनाक ऋण देल गेल। ग्रामीण क्षेत्रमे प्रधानमंत्री आवास योजनाक अन्तर्गत महिलासभकेँ ७०% घर प्रदान कयल गेल अछि।
६) वित्त मंत्री निर्मला सीतारमण कहलनि कि अगिला पांच साल अभूतपूर्व विकासक साल होएत। हमर सरकार एहेन आर्थिक नीति अपनाओत जे विकासकेँ बढ़ावा दैत अछि आ ओकरा कायम राखय, समावेशी आ सतत विकासक सुविधा प्रदान करय, उत्पादकतामे सुधार करय, सभक लेल अवसर पैदा करय, हुनका अपन क्षमता बढ़यबामे सहायता करय आ ऊर्जा निवेश एवं आकांक्षाकेँ पूरा करबाक लेल संसाधनक उत्पादनमे योगदान देबय।
७) हमरा गरीब, महिला, युवा आ अन्नदाता पर ध्यान देबाक जरूरत अछि। वित्त मंत्री निर्मला सीतारमन अपन अंतरिम बजट भाषणमे कहलनि, “हुनकर आवश्यकता आ आकांक्षा हमर सर्वोच्च प्राथमिकता अछि।”
८) अंतरिम बजटमे सीतारमण कहलनि कि भारतीय अर्थव्यवस्थामे पिछला १० सालमे गहींरगर सकारात्मक बदलाव देखल गेल अछि, भारतक जनता आशा आ आशावादक संग भविष्य दिसि देखि रहल अछि। जनताक आशीर्वादसँ जखन हमर सरकार – प्रधानमंत्री नरेन्द्र मोदीक नेतृत्वमे २०१४ मे सत्ता सम्हारलक, तखन देश केर सबका साथ, सबका विकासक मंत्रक सङ्ग भारी चुनौतीक सामना करय पड़ि रहल छल। सरकार सही ढंगसँ ओहि चुनौती पर काबू पओलक अछि।
९) वित्त मंत्री निर्मला सीतारमण कहलनि जे कौशल भारत मिशन १.४ करोड़ युवाकेँ प्रशिक्षित कयलक अछि, ५४ लाख युवाकेँ प्रशिक्षित आ पुनः कुशल कयलक अछि, आ ३००० नव आईटीआई स्थापित कयल गेल अछि। पैघ संख्यामे संस्थागत उच्च शिक्षा, अर्थात् ७टा आई.आई.टी., १६टा आई.आई.आई.टी., ७टा आई.आई.एम., १५टा एम्स आ ३९० विश्वविद्यालयक स्थापना कयल गेल अछि।
१०) वित्त मंत्री निर्मला सीतारमण अपन अंतरिम बजट भाषणमे कहलनि, हमर सरकार नागरिक प्रथम आ न्यूनतम सरकार अधिकतम शासन दृष्टिकोणक सङ्ग जवाबदेह, जन-केन्द्रित आ विश्वास आधारित प्रशासन प्रदान कयलक अछि।
११) वित्त वर्ष २०२५ मे बुनियादी ढांचाक लेल परिव्यय बढ़ा कए ११.११ लाख करोड़ रुपया कऽ देल गेल अछि।
१२) कृषि क्षेत्रक वृद्धिक लेल सरकार फसल कटाई केर बादक गतिविधिमे सार्वजनिक आ निजी निवेशकेँ आओर बढ़ावा देत।
