विधि-व्यवस्था शराब धंधेबाजक संग मिलीभगत, दारोगा निलंबित Maithil Punarjagran Prakash April 2, 2024April 2, 2024 0 Comments दरभंगा समदिया * शराब धंधेबाजक संग सहयोग करब एकटा इंस्पेक्टरकेँ महंग साबित भेल। वरिष्ठ पुलिस अधीक्षक (एसपी) सकतपुर थानाक दारोगा कृष्णदेव यादव उर्फ केडी यादवकेँ निलंबित कयलनि। स्पष्टीकरण मांगल गेल अछि। ताहि आधार पर आगुक विभागीय कार्रवाई शुरू कयल जाएत। कहल जा रहल अछि जे निलंबित दारोगाक कारण बहुत रास शराब धंधेबाज पैघ पैमाना पर शराब खेप मंगा कऽ बेचैत छल। जकर विरुद्ध एकटा व्यक्ति एसएसपीसँ शिकायत कयलक। संगहि संचारसँ संबंधित किछु सबूत सेहो देल गेल। एकरा देखैत वरिष्ठ पुलिस अधीक्षक जगुनाथ रेड्डी जलरेड्डी एहि पूरा मामिलाक जांच बेनीपुर एसडपीओसँ करेलथि। जांच रिपोर्टमे सबटा आरोप सही पाओल गेल। शराब कारोबारीक बीच सांठ-गांठ आ एहि माध्यमसँ टकाक उगाहीक मामिला सामने आयल। एहि रिपोर्ट केर देखलाक बाद एसएसपी तुरंत दारोगाकेँ निलंबित कऽ लाइन पर राखि देलखिन्ह। एसएसपीक एहि कार्रवाईसँ पुलिसकर्मीमे हड़कंप मचल अछि। सब कियो चर्चा कऽ रहल छल जे, जे कियो गलती करत ओकरा पर कार्यवाही कयल जायत। Spread the love