घटना मिथिला क्षेत्रीय बिहारमे बेलगाम ट्रक 8 गोटेकेँ रौंदलक चारि गोटेक मृत्यु, दुर्घटनाक बाद भारी आक्रोश Maithil Punarjagran Prakash March 4, 2024 0 Comments मुजफ्फरपुर समदिया * रविदिनक भोर मिथिला क्षेत्रक दूटा जिला पश्चिम चम्पारण आ सीतामढ़ीक लेल नीक नहिं छल। एतय दूटा पैघ दुर्घटनामे चारि गोटेक मृत्यु भऽ गेल, जखन कि चारि गोटे गम्भीर रूपसँ घायल भऽ गेल। दुनू ठाम अनियंत्रित ट्रक सभ तबाही मचा देलक। पहिल घटनामे रविदिन भोर लगभग ८ बजे पश्चिम चम्पारणमे कैथवालिया-लौरिया राजमार्ग पर भटहा गाम लग गिट्टी भरल ट्रकसँ छ गोटे दबि गेल। ओहिमेसँ दू गोटे मरि गेल। एक्कहि परिवारक चारि गोटे आ दूटा राहगीर छथि। सासु आ बहू छथि जकर मृत्यु भऽ गेल । ई लोकसभ सड़कक कातमे अलाव जरबैत छलाह। ट्रक चालककेँ गामक लोक बंधक बना लेलक । सिरिसिया थानाक पुलिस घटनास्थल पर पहुँचि गेल । मुख्य सड़क लगभग एक घंटासँ अवरुद्ध अछि। दोसर घटनामे सीतामढ़ी नगर थाना क्षेत्रक पासवान चौक लग भोरे ७ बजे एकटा ट्रकक ठोकरसँ माँ-बेटाक मौकापर मृत्यु भऽ गेल। स्थानीय लोकसभ ट्रक चालककेँ पकड़ि लेलक आ बेरहमीसँ पीटलक। नगर थाना पुलिस ट्रक चालककेँ थाना अनलक। लोकसभ घटनास्थल पर जाम कऽ देलक अछि, यातायात बाधित अछि। ई महिला रीगा थाना क्षेत्रक रामपुर गंगौली निवासी रामविनय साहक पत्नी सविता देवी छलीह। एहि दुर्घटनामे हुनक दू वर्षक बेटा आर्यन कुमारक सेहो मृत्यु भऽ गेल। Spread the love