एकटा गोपनीय जानकारीक आधार पर राज्यक चिरांग जिलामे सशस्त्र सीमा बल (एसएसबी) अभियान चला कय काल्हि काफी मात्रामे सोना आ नकदी जब्त कयलक। एहि संबंधमे पुलिस टीम द्वारा कुल तीन भारतीय नागरिककेँ सेहो गिरफ्तार कायल गेल अछि। मिलल जानकारीक मुताबिक सशस्त्र सीमा बल (एसएसबी) केर 64 वीं बटालियन द्वारा काल्हि चलाओल गेल एक अभियानमे दरंगक बॉर्डर आउट पोस्ट पर अवैध सोना केर तस्करी करय वाला तीन भारतीय नागरिककेँ गिरफ्तार कयल गेल। सूत्रक मुताबिक एसएसबी 64 वीं बटालियनक कमांडेंट कन्हैया सिंहकेँ गोपनीय जानकारी मिलल कि किछु व्यक्ति भूटानसँ सीमा पार कय लाखों टकाक सोना भारतमे तस्करी करय लेल आनि रहल अछि। एहि मामिलामे करबाई करबा लेल ओ 64 वीं बटालियनक डिप्टी कमांडेंट प्रशांत गौतमक देखरेखमे एकटा टीम बनेलथि जाहिमे टीमक नेतृत्व सहायक कमांडेंट देवन सिंह कयने छलाह। पूरा सतर्कताक संग ई अभियान केर निष्पादन कयलाक परिणामस्वरूप तस्करी सोनाक बिस्कुट केर सफलतापूर्वक जब्त कयल गेल। गिरफ्तार व्यक्ति सभसँ लगभग 2 किलोग्राम 60 ग्राम 24 कैरेट केर सोना ( 103 बिस्कुट के रूप मे ) जेकर अनुमानित मूल्य लगभग 1.3 करोड़ टका अछि, जब्त भेल । एकर अतिरिक्त ओकरा सभसँ 2,705 विदेशी मुद्राक संग 1,12,600 टका सेहो जब्त कयल गेल। गिरफ्तार तस्कर सभ सीमा पार कय असममे प्रवेश केलाक बाद तस्करी करय लेल सोना केर मुंबई पहुँचेबाक कोशिशमे छल। बतबैत चली जे ई घटना भूटान आ भारतक बीच अंतर्राष्ट्रीय सीमासँ एक किलोमीटरक भीतर एसएसबी 64वीं बटालियनक दरंग सीमा इंटरैक्शन टीम (बीआईटी) लग घटित भेल।
