मुंबई उपनगर दहिसरमे, मैथिल सेवा संस्था (रजि). दहिसर (मुंबई) द्वारा दिनांक 26.08.2024 सोमदिन, श्री कृष्ण जन्म महोत्सवक आयोजन कएल जा रहल अछि। जनतब दी कि, हर वर्ष एहि संस्था द्वारा श्री कृष्ण जन्मोत्सव मनाओल जाइत रहल अछि। एहि कार्यक्रमकेँ सफल बनएबाक लेल दहिसरमे स्थानीय कार्यकर्ताक एकटा बैसार आयोजन कएल गेल। संस्थाक अध्यक्ष प्रवीण झा जानकारी दैत कहलनि कि, एहि कार्यक्रमके उपलक्ष्यमें सोमदिन दिनांक 26.08.2024 केर संध्या 5 बजे सँ रात्रि 10.30 बजे धरि प्रसिद्ध गायक अरविन्द सिंह, सांस्कृतिक मंच द्वारा भजन संध्याक आयोजन कएल जाएत। तदुपरांत रात्रि 8 बजेसँ महाभण्डाराक सेहो आयोजन कएल जाएत। रात्रि 12 बजे, श्री कृष्ण जन्मोत्सव आ प्रसाद वितरणक नियार अछि। दोसर दिन दिनांक 27.08.2024 सेहो 11 बजे सँ बेरुपहर 4 बजे धरि भजन प्रस्तुतिक सेहो नियार अछि, जाहिमे अरविन्द सिंह, श्याम झा, एवं नीलेश झा आदिक नाम शामिल अछि। विसर्जन आ समापन कार्यक्रम मंगलदिन दिनांक 27.08.2024 के संध्या 4 बजेक नियार अछि। एहि कार्यक्रममें मुंबई आ आसपासक तमाम मैथिलक जुटान सेहो होइत रहल अछि। एहि कार्यक्रम के ल’ क’ स्थानीय मैथिलमे हर्ष आ भक्तिक माहौल व्याप्त अछि, आ संस्थाक तमाम पदाधिकारी संगहि कार्यकर्त्ता उत्साहित छथि। एहि भक्तिपूर्ण कार्यक्रमके सफल बनएबाक उद्देश्यसँ संस्थाक तमाम सेवाधारी मुंबई आ आसपासक क्षेत्रमे बसल मैथिलके आमंत्रित क’ रहल छथि। संस्थाक अध्यक्ष – प्रवीण झा, उपाध्यक्ष – सचिन झा, कृष्णकांत झा, कोषाध्यक्ष – प्रशांत झा, सह कोषाध्यक्ष – पंकज झा, विजय झा, सचिव – विजय चौधरी, उप – सचिव वरुण झा, श्याम चौधरी, प्रवक्ता – दिलखुश चौधरी, शशि भूषण मिश्र, राजीव झा, संजीव झा, संगहि मार्गदर्शक लोकनिमे उमेश झा, मनोज चौधरी, रामलाल चौधरी, गणेश झा, विद्यानंद झा, मोहन मिश्र, सुदर्शन झा, संगहि संस्थाक तमाम सदस्य एहि आयोजनकेँ सफल बनएबा हेतु प्रयासरत छथि। कार्यक्रम स्थल : राजश्री बेंक्वेट हॉल, रविंद्र होटलक समीप, एस. वी रोड, दहिसर (पूर्व) मुंबई।
