पिता अपन बेटा आ बेटी नीलूक संग पारिवारिक समझौताक लेल गोविन्दपुर गाम पहुँचल छलाह। तखन ई घटना अंजाम देल गेल। पुलिस मामिलाक जांच कए रहल अछि।
बिहारमे शासन बदलल अछि मुदा स्थिति वैऽह बनल अछि। राज्यमे अपराधी आ अपराधक वर्चस्व बनल अछि। हत्या सार्वजनिक रूपसँ भऽ रहल अछि। पुलिस अपराधकेँ नियंत्रणमे रखबाक दावा कऽ रहल अछि, मुदा प्रतिदिन घटित होबयवला घटना पुलिसक दावाक सच्चाई बता रहल अछि। शनिदिन राति मिथिला क्षेत्रीय बिहारक बेगूसरायमे भेल घटना पूरा शहरकेँ हिला देलक।
एक्कहि परिवारक तीन सदस्य मारल गेल
ई हत्याक मामला साहेबपुर कमाल थाना क्षेत्रक विष्णुपुर आहोक अछि। कहल जा रहल अछि जे ई घटना मृतकक निकट संबंधी द्वारा कयल गेल अछि। मृतकक पहिचान साहेबपुर कमाल थाना क्षेत्रक रघुनाथपुर श्रीनगरक निवासी उमेश यादव, हुनकर २५ वर्षीय राजेश यादव आ २१ वर्षीय बेटी नीलू कुमारीक रूपमे भेल अछि।
एहि घटनाक संबंधमे कहल जा रहल अछि जे साहेबपुर कमाल थाना क्षेत्रक श्रीनगर छर्रापट्टी निवासी उमेश यादवक बेटी लुसी कुमारीक विवाह गोविन्दपुर निवासी संजय यादवक भतीजा ललन यादवसँ भेल छल। एहि दौरान संजय यादवक परिवार नियमित रूपसँ श्रीनगर छर्रापट्टी अपन रिश्तेदारक घर अबैत छल आ नीलू सेहो गोविन्दपुरमे अपन बहिन लुसीक घर जाइत छल। एहि अवधिमे लुसीक देवर हिमांशुसँ घनिष्ठ जान-पहचान भऽ गेल।
एहिसँ किछु दिन पहिने नीलू केर विवाह हिमांशु यादवसँ भेल छल। मुदा ओ सभ लड़कीकेँ राखय नहिं चाहैत छल। हुनक परिवारमे कोनो आओर विवाह हेबाक छल। एहि बातक सूचना भेटलाक बाद उमेश यादव अपन बेटा राजेश कुमार आ बेटी नीलू संग गोविन्दपुर पहुँचलाह आ हुनका सभकेँ घरमे रखबाक लेल दबाव देलनि। एहि मामिलाकेँ लऽ कऽ दुनूक बीच विवाद भेल। तखने तीनू गोटेकेँ गोली मारि हत्या कय देलक। घटनाक बाद हाहाकार मचि गेल।
