घटना अगिलग्गीमे दर्जनों घर जरि कए भेल राख, एक गोटे झुलसल April 2, 2024 Maithil Punarjagran Prakash शिवहर समदिया * पुरनहिया प्रखंड क्षेत्रक बरही जगदीश गोट आ बेदौल आदम गाममे आगि लगलासँ दर्जनों घर जरि गेल। पहिने बरही जगदीश गाममे शेख भोलाक घरमे करीब 11 बजे आगि लागल। आगि ततेक भयावह छल जे किछुए कालमे आसपासक घर सेहो एहिमे लपेटि लेलक। आगिक दौरान गैस सिलेंडरक विस्फोटक कारण आगिक लपट आओर भयावह भऽ गेल। इस दौरान मो वोकैल, मो खुरसैद, कमरे आलम, गुड्डू, शेख कमरुल, शेख अयातुल्लाह, शेख नथुनी, शेख नासिर, शेख कबीर, शेख नजीर, शेख बशीर, शेख जसिर, कबीर, अम्बिया खातून, मजरुल हक गोनौर सहित कुल 23 लोकक घर जरि कए राख भऽ गेल। आगि लगलासँ मो.खुरसैद झुलसि गेल। प्राथमिक स्वास्थ्य केंद्रमे इलाज भऽ रहल अछि। ग्रामीण आ दमकल विभागक मददिसँ आगि पर नियंत्रण कयल गेल। क्षतिक समीक्षा कयल जा रहल अछि। Spread the love
