प्रधानमंत्री नरेन्द्र मोदी राज्यसभामे आइ राष्ट्रपतिक अभिभाषण पर आनल गेल धन्यवाद प्रस्ताव पर बजलाह। अपन संबोधनक प्रारम्भमे पीएम मोदी राष्ट्रपतिक अभिभाषणक प्रशंसा कयलनि। पीएम मोदी कहलखिन, “संविधानक यात्राक एहि महत्वपूर्ण चरणमे राष्ट्रपति जीक भाषणक सेहो ऐतिहासिक महत्व अछि। अपन भाषणमे ओ भारतक उज्ज्वल भविष्यमे विश्वास व्यक्त कयलनि आ भारतक लाखो लोकक शक्तिकेँ बहुत कम शब्दमे आ बहुत शानदार तरीकासँ प्रस्तुत कयलनि। हम एहि प्रेरणादायक भाषण आ राष्ट्रकेँ दिशा देबाक लेल राष्ट्रपतिकेँ धन्यवाद दैत छी।”
प्रधानमंत्री कहलनि, “आइयो अहाँ नहिं सुनबाक लेल तैयार भऽ कऽ आयल छी। मुदा अहां हमर आवाजकेँ दबा नहिं सकब। देशक जनता एहि आवाजकेँ बल देलक अछि। देशक जनताक आशीर्वादसँ आवाज निकलि रहल अछि। त एहि बेर हम सेहो पूरा तैयारीसँ आयल छी। हम ओहि समय सोचने छलहुं जे जँ अहां सन व्यक्ति सदनमे आयल अछि तऽ अहाँ मर्यादाक पालन करब। मुदा ओहि समय अहां कोन अपराध केलहुं ? तखन हम सेहो प्रार्थना केलहुं। हम तऽ करिते रहैत छी। पश्चिम बङ्गालसँ आवाज उठल जे कांग्रेस ४० केँ पार नहिं कऽ पओत। हम प्रार्थना करैत छी जे अहां ४० बचा पाबी।”
प्रधानमंत्री सोमदिन लोकसभामे धन्यवाद प्रस्तावक जवाब देलनि, जाहिमे पीएम मोदी कांग्रेस आ विपक्ष पर भयंकर हमला कयलनि। प्रधानमंत्री कहने छलाह जे विपक्ष आब चुनाव लड़बाक साहस हारि चुकल अछि। प्रधानमंत्री दावा कयलनि जे अगिला लोकसभा चुनावमे भाजपा ३७० सीट आ एनडीए ४०० सीट जीतत।
