कांग्रेस लोकसभा चुनावसँ पहिने ५टा योजनाक घोषणा कयलक अछि। बुधदिन कांग्रेस नारी न्याय गारंटी योजनाक वादा कयलक अछि। कांग्रेस अध्यक्ष मल्लिकार्जुन खड़गे सोशल मीडिया पर एकर घोषणा कयलनि। कांग्रेस पार्टी आइ “नारी न्याय” गारंटीक घोषणा करैत अछि, जाहि अन्तर्गत कांग्रेस पार्टी महिलासभक लेल देशमे एकटा नव एजेंडा तय करय जा रहल अछि।
नारी न्याय गारंटीक अन्तर्गत कांग्रेस पार्टी ५ टा घोषणा कऽ रहल अछि, जाहिमे,
१) महालक्ष्मी गारंटी : एकर अंतर्गत सभ गरीब परिवारक एकटा महिलाकेँ सालाना एक लाख रुपयाक सहायता देल जायत।
२) आधा आबादी-पूरा हक : एकर अंतर्गत केंद्र सरकारक नव नियुक्तिमे महिलाकेँ आधा अधिकार भेटत।
३) शक्तिक सम्मान : एहि योजनाक अंतर्गत आंगनबाड़ी, आशा आ मध्याह्न भोजन कार्यकर्ताकेँ मासिक वेतनमे केंद्र सरकारक योगदान दुगुना कयल जायत।
४) अधिकार मैत्री : एकर अन्तर्गत प्रत्येक पंचायतमे महिला सभकेँ हुनक हकक लेल जागरूक करय लेल आ जरुरी मददिक लेल अधिकार मैत्रीक रूपमे एकटा पैरा-लीगल अर्थात कानूनी सहायकक नियुक्त कयल जायत।
५) सावित्री बाई फुले हॉस्टल : भारत सरकार देश भरिक सभ जिला मुख्यालयमे कमसँ कम एकटा कामकाजी महिलाक हाॅस्टल बनायत आ पूरा देशमे एहि हाॅस्टलक संख्या दुगुना कयल जायत।
एहिसँ पहिने हम भागीदारी न्याय, किसान न्याय आ युवा न्याय घोषित कऽ चुकल छी। आ ई कहबाक जरूरत नहिं अछि जे हमर गारंटी खाली वादा आ जुमला नहिं होइत अछि।
हमर शब्द पाथरक डाईंर होइत अछि।
१९२६ सँ एखन धरि ई हमर रिकॉर्ड अछि, जखन हमर विरोधी सभक जन्म भऽ रहल छल, तहियेसँ हम मैनिफेस्टो बना रहल छी, आ ओहि घोषणासभकेँ पूरा कऽ रहल छी।
अहाँ सभ कांग्रेस पार्टी केर अपन आशीर्वाद दैत रहू आ लोकतंत्र एवं संविधान बचयबाक एहि लड़ाईमे हमर हाथ मजबूत करैत रहू।
