बिहार सरकारक पूर्व मंत्री सह प्रदेश कांग्रेसकेँ वरिष्ठ नेता गुणानंद झाकेँ आकस्मिक निधन पर शोक संवेदना व्यक्त कय श्रद्धासुमन अर्पित करय वला कांग्रेस नेता सभकेँ तांता लागल अछि। मधुबनी जिला कांग्रेसकेँ पूर्व अध्यक्ष सह प्रदेश प्रतिनिधि प्रो.शीतलांबर झा हुनका निधन पर दुख व्यक्त करैत एकटा प्रेस बयान जारी केलैन्ह अछि। प्रो झा कहलैन्ह अछि जे स्व. गुणा नंद बाबू अपन राजनीतिक जीवनक आरंभ निचला स्तरसँ कयने रहैथ। कतेको बरख धरि ओ अपन पंचायतक सरपंच रहला, प्रखंड कांग्रेस कमिटी बाबूबरहीकेँ अध्यक्ष आर प्रखंड बीस सूत्रीक अध्यक्ष सेहो रहला। 1985 मे बाबूबारही विधानसभासँ विधायक निर्वाचित भेला आर डॉ जगन्नाथ मिश्र मंत्रीमंडलमे 1989 मे बिहार सरकारक राजस्व राज्य मंत्री बनलैथ आ बिहार प्रदेश औषध नियंत्रण बोर्डक अध्यक्ष सेहो रहला। ओ जीवन पर्यंत कांग्रेस पार्टीक समर्पित नेता रहलैथ।
हुनका निधन पर बिहार प्रदेश कांग्रेस कमेटी अध्यक्ष डॉ अखिलेश प्रसाद सिंह अपन संवेदनामे कहलैन्ह जे गुणानंद बाबू पार्टीक समर्पित नेता छलैथ। हुनक निधनसँ पार्टीकेँ अपूर्णीय क्षति भेला। ओतहि पूर्व केंद्रीय गृह राज्यमंत्री डॉ शकील अहमद कहलैन्ह जे गुणा बाबू लोकप्रिय नेता छलैथ। हम सभ एक सङ्ग 1985 मे विधायक बनल रही। समाजमे हुनकर प्रतिष्ठा आइयो यथावत अछि। शोक संवेदना व्यक्त करैत श्रद्धा सुमन अर्पित करय वलामे पूर्व मंत्री डॉ मदन मोहन झा, विधान परिषद सदस्य प्रेम चंद्र मिश्र, पूर्व मंत्री कृपानाथ पाठक, पूर्व विधायक भावना झा, सतीश चंद्र मिश्र, ज्योति रमन झा बाबा, जिलाध्यक्ष मनोज कुमार मिश्र, प्रदेश सचिव कृष्णकांत झा गुड्डू, प्रदेश प्रतिनिधि ज्योति झा, अकील अंजुम, मो. साबिर, हिमांशु कुमार, अनिल कुमार झा, एआईसीसी सदस्य नलिनी रंजन झा रूपम, अनील कुमार अनिल, ऋषिदेव सिंह, संजय कुमार मिश्र, मीना देवी कुशवाहा, राम सुंदर तरैत, कृष्ण कुमार झा, नवल किशोर झा, रणधीर सेन, नवेंद्र झा, वैद्यनाथ झा, केशव किशोर मिश्र, ज्योति झा, सुल्तान अहमद समशी, कौशल किशोर चौधरी, शिवचंद्र झा, श्याम चंद्र झा, डिप्टी मेयर अमानुल्लाह खान, विजय कॄष्ण झा, अशोक कुमार, मुकेश कुमार झा पप्पू, आलोक कुमार झा, पवन कुमार यादव, सङ्ग सैकड़ो लोक शामिल छैथ।
