सीएम धामी विधानसभामे प्रस्तुत कयलनि यूसीसी विधेयक

देहरादून
*

उत्तराखण्डक मुख्यमंत्री पुष्कर सिंह धामी देहरादूनमे राज्य विधानसभामे समान नागरिक संहिता उत्तराखण्ड २०२४ विधेयक प्रस्तुत कयलनि। मुख्यमंत्री धामी द्वारा देहरादूनमे राज्य विधानसभामे समान नागरिक संहिता उत्तराखंड २०२४क विधेयक प्रस्तुत कयलाक बाद राज्य विधानसभाक भीतर विधायक सभ द्वारा वन्दे मातरम आ जय श्रीरामक नारा लगाओल गेल। विपक्षक हंगामाक कारण सदनक कार्यवाही आइ दुपहरिया २ बजे तकक लेल स्थगित कऽ देल गेल।

विधानसभामे यूसीसी पर चर्चा चलि रहल अछि, जँ ई विधेयक पारित भऽ जाइत अछि तऽ उत्तराखंड आजादीक बाद यूसीसी लागू करयवला पहिल राज्य बनि जायत।

मुख्यमंत्री पुष्कर सिंह धामी कहलनि जे देशक निर्माताक अपेक्षाक अनुरूप भारतक संविधानक अनुच्छेद ४४ केँ अर्थ देबाक दिशामे देवभूमि उत्तराखण्डक लेल आइ एकटा विशेष दिन अछि। देशक संविधान हमरा सभकेँ समानता आ सद्भावक लेल प्रेरित करैत अछि आ समान नागरिक संहिता अधिनियमकेँ लागू करबाक प्रतिबद्धता एहि प्रेरणाकेँ साकार करबाक लेल सेतुक काज करत।

मुख्यमंत्री पुष्कर सिंह धामी कहलनि जे देवभूमि उत्तराखण्डक नागरिककेँ समान अधिकार देबाक लेल आइ विधानसभामे समान नागरिक संहिताक विधेयक प्रस्तुत कयल जायत। राज्यक सभ लोकक लेल ई गर्वक क्षण अछि जे हम यूसीसी लागू करबाक दिशामे आगू बढ़यवला देशक पहिल राज्यक रूपमे जानल जाएब।

समान नागरिक संहिताक मसौदा उत्तराखण्डक मुख्यमंत्री पुष्कर सिंह धामीकेँ सौंपल गेल छल। एहनमे ई मसौदा चर्चाक विषय बनि गेल अछि। लोक एहि मसौदाक प्रत्येक पहलूक बारेमे जानय चाहैत छथि। सरकार द्वारा प्राप्त एहि मसौदामे बहुत रास बात अछि, जे लोकक ध्यान आकर्षित कऽ रहल अछि।

दरअसल, एहि मसौदाक मुखपृष्ठ पर देखल गेल चित्र न्यायक देवीक आँखि पर पट्टी नहिं बांधल अछि। एहनमे एहि तस्वीर पर बहुत चर्चा भऽ रहल अछि।

एहि चित्रक चर्चाक बीचमे रहबाक संबंधमे ई कहल जा सकैत अछि जे समितिक लोक ई मानैत अछि जे सबकेँ समान अधिकार सुनिश्चित कैल जाय आ ई एहि प्रारूपक माध्यमसँ संभव अछि।

न्यायक देवीक खुजल आँखि संभवतः ई प्रदर्शित कऽ रहल अछि जे ओ समाजकेँ समान रूपसँ देखि सकैत छथि, जाहिमे कोनो प्रकारक ऊँच-नीच, जाति आ सम्प्रदायसँ अतिरिक्त मात्र एकटा समानतामूलक समाचार दृष्टिगोचर होय। एकर संकेत दैत एहि मसौदाक प्रतिमे मोट अक्षरमे लिखल गेल अछि ‘समानता द्वारा समरसता’। माने मसौदाक चित्र सेहो एहि दिसि इशारा कऽ रहल अछि आ ई एकर उद्देश्य सेहो भऽ सकैत अछि, जकरा चित्रक माध्यमसँ देखयबाक प्रयास कयल गेल अछि।

एहि मसौदाकेँ समान नागरिक संहिता उत्तराखंड २०२४ नाम देल गेल अछि। एहि सम्पूर्ण मसौदाकेँ तैयार करबाक लेल समितिसँ बहुत रास सुझाव मांगल गेल, जाहि पर कहल गेल जे समितिकेँ जनसंख्या नियंत्रणक विषयमे सबसँ बेसी सुझाव आयल।