जेना-जेना हिन्दूक आस्थाक महान पाबनि फगुआ नजदीक आबि रहल अछि। लोकक बीच बहुत उत्साहक संग सब ठाम फगुआ मिलन समारोहक आयोजन भऽ रहल अछि। एहि क्रममे कहरा कुटी स्थित एसएफ पब्लिक स्कूलक बच्चा सब वृहस्पति दिन प्राकृतिक रंगसँ फगुआ खेलबाक संकल्प लेलनि। एहि अवसर पर एक दोसरा पर अबीर गुलाल लगा कय अपन-अपन घर आ समाजमे प्राकृतिक रंगसँ होली खेलबाक अपील कयल गेल।एहि अवसर पर एसएफ स्कूलक निदेशक सुमन कुमार बच्चा सबसँ कहलथि जे फगुआ सन पावनिमे केमिकल कलरक प्रयोगसँ बचबाक अपील केलथि। ओ कहला जे बाजारमे उपलब्ध केमिकल कलर आ पेंट शरीर लेल बहुत हानिकारक अछि। कहल जाइत अछि जे सात रंग प्रकृति द्वारा आविष्कार कयल गेल छै। ई सब सात रंग मनुष्य केर जीवन पर सकारात्मक प्रभाव छोड़ैत छै । जकर कारण सालमे एक दिन होली खेलि सब रंगमे भीज जाइत छथि । ओ कहलनि जे हमर स्कूलमे गरीब आ अभिभावकहीन छात्रकेँ निःशुल्क शिक्षा देल जाइत अछि। ओ कहलनि जे, एहि स्कूलमे दार्जिलिंग आ नेपालक शिक्षक प्लेसँ 8 तक बच्चाकेँ सीबीएसई पैटर्न पर आधारित अंग्रेजी माध्यमसँ शिक्षणक काज उपलब्ध कराबैत छथि। एहि अवसर पर सुन कुमारी अलाय, बबिता कुमारी, मुस्कान प्रवीण, शिल्पा कुमारी, कोमल कुमारी, आकांक्षा कुमारी, पुष्पा कुमारी, रानी कुमारी, अभिषेक कुमार आदि उपस्थित रहलाह।
