भारी मात्रामे देशी-विदेशी दारू सँग कारोबारी पकडायल

राजनगर समदिया
*

राजनगर थाना क्षेत्रक कोइलख गाममे नुकाकय राखल भारी मात्रामे दारू पकड़ल गेल। जनतबक अनुसार थाना क्षेत्रक कोइलख गाममे दारू राखल गेल अछि एहि सूचना पर पुलिस जखन छापामारी कयलक तऽ भुवनेश्वर राय पे. महावीर राय केर बारीसँ चारि विभिन्न प्रकारक दारू जाहिमे विदेशी, नेपाली सोफी आ चुलाई दारू पकडायल। पकड़ल गेल सभ दारू 138.305 लीटर छल। ओतहि गाममे दारू पीबिकय हंगामा करैत बब्बन झा उर्फ एन्टी झाकेँ सेहो पुलिस गिरफ्तार कयलनि।
दुनु अभियुक्तक खिलाफ राजनगर थानामे स अ नि प्रवीण कुमारकेँ द्वारा मोकदमा दर्ज कराओल गेल अछि।