बीपीएससी टीआरई 3 परीक्षामे सहरसासँ पाँच ‘मुन्ना भाई’ आनक बदला परीक्षा दैत धरायल

सहरसा समदिया
*

सहरसा जिलाक सदर एसडीपीओ आलोक कुमार बतौलनि जे बीपीएससी टीआरई ३ क परीक्षा २१ जुलाईकेँ जिलाक विभिन्न केन्द्रपर कड़ा सुरक्षाक बीच आयोजित कयल गेल। एम्हर जाञ्चक क्रममे पाँचटा युवककेँ गिरफ्तार कयल गेल अछि। जे कोनो आनक बदला परीक्षा देबय लेल आयल छलाह।

बिहारक सहरसा जिलामे आयोजित बीपीएससी टीआरई-३ परीक्षाक दौरान पुलिस पाँचटा मुन्ना भाइकेँ पकड़ि लेने अछि। जे नकली उम्मीदवार बनि कऽ कोनो आनक बदला परीक्षा दऽ रहल छल। हिनका सभकेँ अलग-अलग परीक्षा केन्द्रसँ गिरफ्तार कयल गेल अछि। जखन परीक्षा केन्द्र पर ड्यूटी पर तैनात कर्मी सभक जाँच कयलक तँ पता चलल जे ई सभ एक दोसराक तरफसँ परीक्षा दऽ रहल छलाह। एहि मामिलाक सूचना तत्काल स्थानीय पुलिसकेँ देल गेल।
एहि मामला पर सदर एसडीपीओ आलोक कुमार कहलनि जे 21 जुलाईकेँ बीपीएससी टीआरई 3 परीक्षा जिलाक विभिन्न केंद्र पर कड़ा सुरक्षाक बीच आयोजित कयल गेल। एम्हर जाञ्चक क्रममे पाँचटा युवककेँ गिरफ्तार कयल गेल अछि। जे कोनो आनक बदला परीक्षा देबय लेल आयल छलाह। सभकेँ अदालतमे पेश कऽ न्यायिक हिरासतमे पठा देल गेल अछि।

गिरफ्तार आरोपीमे दूटा फर्जी उम्मीदवार अमरेश कुमार आ मुकेश कुमारकेँ मनोहर हाई स्कूल, पूरब बाजारसँ गिरफ्तार कयल गेल अछि। ओतहि जिला स्कूलसँ दूटा फर्जी उम्मीदवार अमित कुमार आ प्रवीण कुमारकेँ गिरफ्तार कयल गेल अछि। एकर अतिरिक्त मनोहर हाई स्कूल बैजनाथपुरसँ सुन्दर कुमार उर्फ रूपेशकेँ गिरफ्तार कयल गेल अछि।
एहिसँ पहिने शनिदिन बेगूसराय आ जहानाबादमे दूटा मुन्ना भाइकेँ गिरफ्तार कयल गेल छल। बायोमेट्रिकक दौरान एहि आरोपी सभक पर्दाफाश भऽ गेल। पुलिस स्पष्ट कऽ देलक अछि जे मामीलाक सख्तीसँ निपटारा कयल जायत।