जदयू नेता सरोज झा, साजन शर्मा अपन दर्जनों सहयोगीक संग भेलाह भाजपामे शामिल
*
सहरसा समदिया
*
भारतीय जनता पार्टी सहरसा आ मधेपुराक संयुक्त कार्यसमितिक पहिल बैसार भाजपा जिला कार्यालय पटुआहामे आयोजित कयल गेल। कार्यक्रमक अध्यक्ष भाजपा जिला अध्यक्ष दिवाकर सिंह, प्रदेश महासचिव मिथिलेश तिवारी, पूर्व मंत्री नीरज सिंह बबलू, क्षेत्रीय प्रभारी सरोज झा, मधेपुरा जिलाअध्यक्ष दीपक कुमारक अध्यक्षतामे दीप जरा वंदे मातरम गायन केर संग संयुक्त रूपसँ उद्घाटन कयल। बैठकमे राम मंदिर केर उद्घाटन सहित आगामी लोकसभा चुनावमे भाजपा केर सर्वश्रेष्ठ जीतक लेल रणनीतिक चर्चा कयल गेल। संगहि भाजपाक सब छोट-बड़ नेता आ कार्यकर्ता नरेंद्र मोदी केर संदेश ओहि गाममे पहुंचाओत जाहिमे रात्रि चौपाल आ रामधुनीक आयोजन सेहो होयत। बैसारमे राज्यसँ आयल प्रदेश महासचिव मिथिलेश तिवारी एहि साल रामवर्ष मनाबय केर आग्रह कयलनि। संगहि मोदी सरकार केर ११७ योजना जे पंचायत स्तर पर विकसित भारत संकल्प यात्राक वाहन केर माध्यमसँ सब वंचित परिवारक लाभ पहुंचाबयक अछि। ओ कहलनि जे आई मोदी सरकार किसान सम्मान निधि योजना, फसल बेचय केर लेल सरल बाजार, युवाकक लेल उद्यमी योजना, छोट श्रमिककक लेल पीएम विश्वकर्मा योजना सहित अनेक जन कल्याण योजना चलाओल गेल अछि। आइ जँ सरकार एक रुपैया पठाबैत अछि तऽ पूरा रुपैया अहाँक गरीबक खातामे जमा भ’ जाइत अछि। क्षेत्रीय प्रभारी सरोज झा पार्टीक मार्गदर्शनक जानकारी दैत कार्यकर्ता लोकनिकेँ संस्था केर मजबूत करबाक दिशामे काज करबाक लेल कहलनि। ओ कहलनि जे, सभ संभागमे बैसार ३ सँ १० मार्च धरि करय पड़त। जाहिमे देशक ३४ हजार भाजपा कार्यकर्ता प्रत्येक शक्ति केंद्रमे एक राति रुकताह, जकर नाम ‘चलो गाँव के तरफ’ अभियान रखल गेल अछि। बैसारमे लोकसभा चुनावक रणनीति पर चर्चाक संग-संग बूथ स्तर पर कार्यक्रमक आयोजन पर जोर देल गेल। पूर्व मंत्री आ छातापुरक विधायक नीरज कुमार बबलू नव मतदाताकेँ जोड़बा पर ध्यान देबाक आग्रह कयलथि। एकर अलावा आगामी लोकसभा चुनावमे पचास प्रतिशत वोटक हिस्सेदारी हासिल करबाक लक्ष्य तय करय केर रणनीतिक बारेमे बैसारमे चर्चा कयल गेल।जिलाध्यक्ष श्री सिंह कहला जे विधानसभा चुनावमे भाजपा सरकार द्वारा कयल गेल विकास काज, सुशासन आर गरीबक लेल चलय वाला योजनाक जानकारी जन जन तक पहुचेबाक आह्वान कयल गेल।बैसारमे पूर्व विधायक सुरेंद्र यादव, महिला मोर्चाक पूर्व प्रदेश अध्यक्ष लाजवंती झा, पूर्व जिला अध्यक्ष नीरज गुप्ता, महादेव चौधरी, राजीव रंजन, मधेपुरा लोकसभा संयोजक माधव चौधरी, प्रदेश कार्यसमिति सदस्य रामनरेश सिंह, सह क्षेत्रीय समस्त जिला पदाधिकारी, मंडल अध्यक्ष एवं प्रभारी सत्येन्द्र राय सहित अनेक कार्यकर्ता उपस्थित रहलाह।एहि अवसर पर ५० अन्य सामाजिक राजनीतिक कार्यकर्ता एवं भाजपा पर विश्वास रखनिहार लोककेँ भाजपामे शामिल कय हुनका भाजपा केर सदस्यता ग्रहण करा माला पहिरा सम्मानित कयल गेल।जाहिमे जदयू नेता पूर्व वार्ड पार्षद साजन शर्मा अपन दर्जनों सहयोगीक संग भाजपामे शामिल भेलाह।
