बिहारमे सरकारी स्कूलक समयमे बदलावक लेल हंगामा भेल अछि। भाजपा आ कांग्रेसक नेताक बाद आब माले नेता सेहो एहि पर सवाल उठौलनि अछि।
बिहारमे एक बेर फेर केके पाठककेँ कारण राजनीति गर्म अछि। विपक्ष हुनका बारेमे लगातार सरकारकेँ निशाना बना रहल अछि। कांग्रेस नेताक बाद आब एमएल विधायक सेहो शनिकेँ अपन एक्स अकाउंट पर पोस्ट कए हुनका निशाना बनौने छथि।
विधायक संदीप सौरभ पोस्टमे लिखलनि, “भाजपा-जदयू सरकार एकटा सनकी अधिकारीक सामने घुटना टेकि बिहारक शिक्षकक अपमान मात्र नहिं कऽ रहल अछि बल्कि शिक्षक आ बच्चाक स्वास्थ्य आ जीवनसँ सेहो खेलि रहल अछि।”
एहिसँ पहिने बिहार विधान परिषदक पाँचटा एमएलसी एकटा पत्र लिखि स्कूलक समय बदलबाक माँग कयने छलाह। इ पत्र शिक्षा मंत्रीकेँ लिखल गेल छल। जे एखन धरि नहिं सुनल गेल अछि। बल्कि शिक्षा विभाग एकटा पोस्ट जारी कयलक आ अनिवार्य शिक्षाक नियम आ कानूनख जानकारी दऽ देलक। जाहि कारणेँ ई स्पष्ट भऽ गेल जे विधान पार्षदक माँगक कोनो असरि नहिं पड़ल अछि।
बिहारमे गरमीकेँ देखैत केके पाठक स्कूलक समय भोर ६ बजेसँ दुपहर १२ बजे तक कए देलनि, जाहिसँ बिहारमे हंगामा मचि गेल अछि। समय सारणीमे संशोधनक मांग अछि। कहल जा रहल अछि जे वर्तमान समयकेँ बदलि भोर ६.३० सँ ११.३० बजे कयल जाय, जाहिसँ शिक्षक आ बच्चाकेँ स्कूल पहुंचबामे दिक्कत नहिं होय, मुदा शिक्षा विभाग केकरो बात नहिं सुनि रहल अछि।
एतेक धरि जे सरकारक सहयोगी भाजपा एमएलसी नवल किशोर यादव सेहो एहि पर आपत्ति उठौलनि अछि, ओ केके पाठककेँ बीमार सेहो कहने छथि। संगहि, एहि समय सारणीकेँ तत्काल बदलबाक माँग कयलनि अछि।
