बिहार शिक्षा विभागमे अरबों रुपयाक घोटाला भेल : सांसद सुधाकर सिंह

पटना।  समदिया

राजद सांसद सुधाकर सिंह बिहार सरकार आ वरिष्ठ आईएएस अधिकारी आनंद किशोर पर कतेको आरोप लगौलनि अछि। मीडियासँ गप्प करैत ओ दावा केलथि जे बिहारक शिक्षा विभागमे पिछला कतको सालसँ पैघ पैमाना पर घोटाला भ रहल अछि। एहि लेल ओ आनंद किशोरकेँ जिम्मेदार ठहरबैत कहला जे ओ सबसँ पैघ माफिया छथि आ बिहारक शिक्षा व्यवस्थाकेँ बर्बाद करबामे आ घोटालाक पूरा जाल स्थापित करबामे हुनक पैघ भूमिका रहल अछि। सांसद एहि केर हिस्साक रूपमे पिछला 10 सालमे भेल परीक्षामे धांधली आओर टॉपर घोटालाक सेहो हवाला देलनि।

सांसद सुधाकर सिंह विवादित ऋशु श्री मामिलाक जिक्र करैत सरकार पर हमला कयलनि। हुनक दावा छल कि ऋशु श्री केर सरकारी निविदा सुरक्षित करय केर जिम्मेदारी आनंद किशोर केर छल। एहि निविदासँ शिक्षा विभागमे पैघ पैमाना पर आर्थिक गबन भेल। सांसद एखन धरि एहि आरोपसँ संबंधित कोनो दस्तावेज जनताक सामने जारी नहि केलथि अछि।

सुधाकर सिंह आनंद किशोर पर नहि, बिहारक पूर्व मुख्य सचिव दीपक कुमार पर सेहो गंभीर आरोप लगौलनि अछि। ओ कहलनि जे, आनंद किशोरकेँ दीपक कुमारक पूरा समर्थन अछि। ओ आनंद किशोर सहित राज्यक 9टा आईएएस अधिकारीक भूमिकाक निष्पक्ष रूपसँ जांच करबाक मांग केलथि।

राजद सांसदक दावा अछि जे एहि घोटालाक माध्यमसँ अरबों रुपया चोरी भेल अछि आओर ओहि पाई केर विदेशमे निवेश कयल गेल अछि। ओ सरकारकेँ चुनौती दैत कहलनि जे जँ हुनका खिलाफ कोर्ट जयबाक अछि तँ ओ इ काज कय सकैत अछि, किया कि हुनका लग हुनकर आरोपकेँ साबित करबा लेल भरपूर सबूत अछि।

सुधाकर सिंह मांग कयलनि जे एहि पूरा मामिलाक सीधा कोर्टक देखरेखमे चारा घोटाला जँका जांच कयल जाय, जाहिसँ सच्चाई केर खुलासा भ सकय आ दोषीकेँ सजा देल जा सकय। ओ आरोप लगौलनि जे बिहार सरकार भ्रष्ट व्यक्ति पर कार्यवाही करय केर बजाय ओकरा सुरक्षा कय रहल अछि।