जिला पुलिस प्रशासन आ एसटीएफ पटनाक संयुक्त छापामारीमे 25 हजार रुपैया केर इनामी संग-संग टॉप जिलाक नामी 10 बदमाशक सूचीमे शामिल बदमाशकेँ गिरफ्तार कयल गेल। ओ सब बहुत दिनसँ एहि व्यक्तिक खोजमे लागल छल जे जिलाक टॉप टेन आपराधिक सूचीमे सेहो शामिल छल। ओकर गिरफ्तारी भेला पर पुलिसकेँ बहुत राहत भेटल। शुक्रदिन पुलिस अधीक्षक हिमांशु कुमार पुलिस अधीक्षक कार्यालयमे प्रेस कॉन्फ्रेंस कय जानकारी देलनि। ओ कहलनि जे, गुप्त सूचना भेटल जे रंजीत मुखिया जिलाक घोषित अपराधी अछि।ओकरा पकड़ला पर 25 हजार रुपैया इनामक घोषणा कयल गेल अछि। जे सोनबरसा राज थाना अंतर्गत मैना पुलक आसपास देखल गेल। उपरोक्त अपराधीकेँ पकड़य लेल एसटीएफ बिहार पटना आ सोनबरसा राज थाना पुलिस टीम द्वारा संयुक्त छापामारी कयल गेल। जाहिमे अपराधी रंजीत मुखिया, पिता चंडी मुखिया,गाम तुर्की थाना सिमरी बख्तियारपुर निवासीकेँ गिरफ्तार कय लेल गेल। जाहि पर अग्रिम कार्रवाई भऽ रहल अछि। पुलिस अधीक्षक कहलनि जे, गिरफ्तार अपराधीक बहुुत पुरान आपराधिक इतिहास अछि। जकरा पुलिस सक्रिय रूपसँ खोजमे छल। ओ कहलनि जे, उक्त आरोपीक खिलाफ सोनबरसा राज थाना केस नम्बर 80/22, 172/23, सौर बाजार पतरघट ओपी, थाना केस नंबर 44/21 आ सुपौल थाना केस नंबर 856/22 दर्ज अछि। जाहि पर हथियार अधिनियम आ चोरी कए सामानक बरामदगी केर तहत प्राथमिक मामला दर्ज अछि। ओ कहलनि जे, छापेमारी टीममे एसटीएफ बिहार पटना टीम, सोनबरसा राज थाना प्रमुख जयशंकर कुमार, सोनबरसा राज थानाक पुलिस अवर निरीक्षक अंजलि भारती आ सशस्त्र बल सोनबरसा राज थाना मौजूद छल।
