भारत दक्षिण चीन सागरसँ उत्पन्न तुफान यागीसँ प्रभावित म्यांमार, वियतनाम आ लाओस देशक लेल ‘ऑपरेशन सद्भाव’ शुरू कयलक। भारतीय नौसेनाक जहाज सतपुड़ा रविदिन हिमालयी राष्ट्रमे आयल विनाशकारी बाढ़िक कारण मानवीय सहायता आ आपदा राहत अभियान चलाबय लेल प्रस्थान कयलक अछि। भारतीय वायुसेनाक सी-१७ विमान सेहो रविदिन विनाशकारी बाढ़िसँ प्रभावित लोकसभकेँ राहत सामग्री पहुँचेबाक लेल उड़ान भरलक।
भारत तुफान यागीसँ प्रभावित देशसभकेँ राहत सामग्री पहुँचयबाक निर्णय लेलक अछि। भारतीय नौसेना मुख्यालय म्यांमारक बाढ़ि प्रभावित नागरिकसभकेँ तत्काल सहायता प्रदान करबाक लेल राहत सामग्रीक सङ्ग पूर्वी बेड़ा जहाज आईएनएस सतपुड़ाकेँ तैनात कयलक अछि। भारतीय नौसेना अपन समुद्री पड़ोसीकेँ संकट समय राहत आ बचाव अभियानमे पहिल उत्तरदाताक रूपमे जानल जाइत अछि। एकरा देखैत रविदिन भारतीय नौसेनाक आईएनएस सतपुड़ामे सूखल राशन, कपड़ा आ दवाई सहित १० टन सहायता पठाओल गेल।
भारतीय वायुसेनाक सी-१७ विमानकेँ तुफान यागीक कारण भयंकर बाढ़िक बाद कंबोडिया (वियनतियाने, लाओस) आ वियतनाम (हनोई) मे ऑपरेशन लेल तैनात कयल गेल अछि। वियतनाम भारतीय वायुसेनाक विमान ३५ टन राहत सामग्री लऽ जा रहल अछि, जाहिमे जल शोधन सामग्री, पानिक कंटेनर, कम्बल, भनसाघरक बर्तन, सौर लालटेन सम्मिलित अछि। एकर अतिरिक्त, लाओसकेँ १० टन सहायता पठाओल जा रहल अछि, जाहिमे जेनसेट, जल शोधन सामग्री, स्वच्छता सामग्री, मच्छरदानी, कम्बल आ स्लीपिंग बैग सम्मिलित अछि।
