बिहार सरकारक ई एकटा आर पहल अछि। पटनाक जननायक पुस्तकालय आ राज्य डिजिटल अध्ययन केन्द्रमे छात्रसभकेँ निःशुल्क कोचिंग प्रशिक्षण देबाक संग प्रतियोगी पुस्तकक खरेदी लेल प्रति अभ्यर्थी ३००० प्रोत्साहन राशि देबाक प्रावधान सेहो अछि।
मुख्यमंत्री नीतीश कुमारक नेतृत्वमे बिहार सरकारक पिछड़ा आ अति पिछड़ा वर्ग कल्याण विभाग जरूरतमंद छात्रक लेल सिविल सेवासँ जुड़ल पाठ्यक्रमक तैयारी लेल निःशुल्क कोचिंग व्यवस्था कयलक अछि। ई व्यवस्था पटनामे स्थित जननायक पुस्तकालय आ राज्य डिजिटल अध्ययन केन्द्रमे कयल गेल अछि। पिछड़ा आ अति पिछड़ा वर्ग कल्याण विभाग जननायक पुस्तकालय आ राज्य डिजिटल अध्ययन केन्द्र, पटनामे सिविल सेवा (यूपीएससी/बीपीएससी) परीक्षासँ संबंधित पाठ्यक्रम लेल आवेदन आमंत्रित कयलक अछि आ परीक्षाक बाद कोचिंग/प्रशिक्षणक मुफ्त व्यवस्था कयलक अछि।
विभाग परीक्षाक सम्भावित तिथि १६.२.२०२५ निर्धारित कयलक। छात्रसभक एकटा बैचक लेल प्रशिक्षणक अवधि बारह मास अछि, जाहिमे उपलब्ध सीटक चालीस प्रतिशत पिछड़ा वर्गक लेल आ साठ प्रतिशत अति पिछड़ल वर्गक लेल अनुमानित अछि।
एहि केन्द्रमे बिहार राज्यक पिछड़ा आ अति पिछड़ल वर्गक छात्र पात्र छथि, जिनकर माता-पिताक सभ स्रोतसँ कुल वार्षिक आय तीन लाख रुपैया धरि अछि। जननायक पुस्तकालय आ राज्य डिजिटल केन्द्र, पटनामे पढ़य बला छात्रक लेल निःशुल्क कोचिंग प्रशिक्षणक अतिरिक्त प्रतियोगी किताबक खरीद लेल प्रति अभ्यर्थी तीन हजार टाकाक प्रोत्साहन राशि देबाक प्रावधान अछि।
एकर अतिरिक्त, ई केन्द्र निःशुल्क अध्ययन सामग्री, उन्नत पुस्तकालय, ऑनलाइन परीक्षण, प्रेरक आ मार्गदर्शन सत्र आ छात्रसभक प्रगतिक मूल्यांकन लेल एकटा एमआईएस पोर्टल प्रदान करैत अछि।
