असमक मुख्यमंत्री डॉ. हिमंत विश्व शर्मा काल्हि शिवसागर जिलाक नाजीरा स्थित चाकीमुख उच्च माध्यमिक विद्यालयक खेल मैदानमे आयोजित कार्यक्रममे राष्ट्रीय खाद्य सुरक्षा अधिनियमक लाभार्थीकेँ राशन कार्डक औपचारिक वितरण केलाह। नाजीरा विधानसभा क्षेत्रक अंतर्गत कुल 8,411 लाभार्थी परिवारकेँ राशन कार्ड आवंटित कयल जायत। ई नाजीरा विधानसभामे पहिनेसँ मौजूद 43,692 लाभार्थी परिवारककेँ अलावा छैक, जकरासँ कुल लाभार्थी परिवारक संख्या 52,103 भऽ गेल अछि। कार्यक्रममे मुख्यमंत्री डॉ. हिमंत विश्व शर्मा कहला जे पहिने आय सीमा दू लाख टका सालानाक कारण समाजक वंचित वर्गक परिवार राष्ट्रीय खाद्य सुरक्षा अधिनियम (एनएफएसए) केर तहत लाभसँ वंचित छल आ राशन कार्डक लेल आवेदन करयमे असमर्थ, अयोग्य मानल गेल। ओ कहला जे राज्य सरकार आय सीमा कए बढ़ा कए चारि लाख टका करबाक फैसला केलक अछि ताकि बेसीसँ बेसी परिवार राशन कार्डक लाभ उठा सकए। ओ कहलनि जे एकर परिणामस्वरूप नाजीरा विधानसभा क्षेत्रक अतिरिक्त 8,411 परिवार कार्ड वितरणक एहि चरणमे राशन कार्ड लेल खुद पंजीकृत करयमे सफल रहल। ओ कहला जे ताजा 8,441 लाभार्थी परिवार कए जोड़लासं नाजीरा एलएसीमे राशन कार्ड वाला लाभार्थी परिवारक कुल संख्या 52,103 भऽ जाएत। ओ कहला जे सरकार एहि लेल लगातार काज कय रहल अछि जे राशन कार्ड धारक एनएफएसए केर तहत सबटा लाभ उठा सकथि। ओ कहला जे एहि बात कए ध्यानमे राखि सरकार अन्न सेवा सप्ताहक विचार केलक आ एकर सकारात्मक प्रभाव राज्य भरिमे जमीनी स्तर पर देखल जा रहल अछि। ओ कहलनि जे राशन कार्ड आब सिर्फ चाउर वितरणक बात नहिं रहि गेल अछि बल्कि एकरा संग बहुत रास अन्य लाभ आ योजना सेहो जुड़ल अछि जकर लाभ राशन कार्ड धारक परिवार लय सकैत अछि। एहने एकटा योजना अछि आयुष्मान भारत जे प्रति परिवार 5 लाख टकाकेँ आश्वासित चिकित्सा लाभ प्रदान करैत अछि। ओ कहला जे उज्ज्वला योजनामे राशन कार्ड धारक सेहो नामांकनक पात्र छथि। ओ कहलनि जे राशन कार्ड धारककेँ आकस्मिक मृत्यु बीमा आ जीवन बीमाक तहत नामांकन केर संभावना सेहो खोजल जा रहल अछि। एकर अलावा मुख्यमंत्री कहलनि जे ओ चाहैत छैथ कि 2026 तक सब राशन कार्ड धारककेँ अरुनोदोई योजनाक लाभार्थीक रूपमे शामिल कयल जाय। ओ कहला जे वर्तमान राज्य सरकार असम आ ओकर निवासीकेँ समग्र विकास लेल चौबीसो घंटा काज कय रहल अछि। ओ कहला जे आब असममे सरकारी नौकरीमे बहाली बहुत पारदर्शी तरीकासँ भऽ रहल अछि। ओ आगू कहला जे मिशन वसुंधरा 2.0 पर काज जोर-शोरसँ चलि रहल अछि आ आवेदककेँ जमीनक पट्टा आवंटित कैल जाएत। कार्यक्रमक अवसर पर असमक कैबिनेट मंत्री डॉ. रनोज पेगु , जोगेन मोहन, सांसद कामाख्या प्रसाद तासा, विधानसभा सदस्य तरंग गोगोई, धर्मेश्वर कोंवर, कतेको वरिष्ठ अधिकारी आ भाजपाक कार्यकर्ता लोकनि मौजूद छलाह।
